ShaniDev: सर्वांना घाबरवणारे शनिदेव, कुणाला घाबरतात? फक्त नाव घेतल्यानंही शनिचा त्रास होतो कमी

कलियुगात शनिदेवाच्या साडेसाती आणि धैय्याचा प्रभाव इतका जास्त जाणवतो की, बहुतेक लोक त्यांना घाबरतात. पण, अनेकांना कदाचित माहीत नसेल, सर्वांना घाबरवणारे शनिदेव आपल्या पत्नीला घाबरतात. शनिदेव केवळ आपल्या पत्नीला घाबरत नाहीत तर आणखी ४ देव आहेत, ज्यांना शनिदेव घाबरतात. त्यांचे नाव घेतल्यानंही शनिचा अशुभ प्रभाव कमी होतो आणि शनिदेवही आशीर्वाद देतात. याविषयी अधिक जाणून घेऊ.

सूर्यदेव - न्यायदेवता असलेल्या शनिदेवाचे वडील हे सूर्य मानले जातात. सूर्य ग्रहांचा राजा आहे, शनिदेवाला सूर्यपुत्र असेही म्हणतात. शनिदेव हा सूर्यदेवाची दुसरी पत्नी छायाचा मुलगा आणि भद्राचा भाऊ आहे. एकदा रागाच्या भरात सूर्यदेवाने शनिदेवाचे घर जाळून टाकले होते. सूर्यदेवाला प्रसन्न करण्यासाठी शनिदेवाने काळ्या तीळाने सूर्यदेवाची पूजा केली, ज्यामुळे सूर्यदेव खूप प्रसन्न झाले. सूर्यदेवाची पूजा केल्याने शनिदेवाच्या महादशाचे अशुभ परिणाम कमी होतात.

श्रीकृष्ण - शनिदेव भगवान श्रीकृष्णालाही घाबरतात, असे मानले जाते. शनिची वक्रदृष्टी कृष्णाच्या भक्तांवर पडत नाही. पौराणिक कथेनुसार, भगवान श्रीकृष्णाचे दर्शन घेण्यासाठी शनिदेवांनी मथुराजवळील कोकिळा जंगलात तपश्चर्या केली, ज्यामुळे प्रसन्न होऊन कृष्ण कोकिळेच्या रूपात शनिदेवांसमोर प्रकट झाले. तेव्हापासून शनिदेव म्हणाले की, जो कोणी माझ्या पूजनीय श्रीकृष्णाचे नाव घेईल, तो त्या कृष्णभक्तांना कधीही त्रास देणार नाही.

पिंपळाच्या झाडाची पूजा केल्याने शनीचा प्रभाव पडत नाही. पौराणिक कथेनुसार, शनिदेव पिंपळाच्या झाडाला घाबरतात, म्हणूनच शनिवारी पिंपळाच्या झाडाची पूजा करण्याची धार्मिक श्रद्धा आहे. शनिवारी पिंपळाच्या झाडाला पाणी अर्पण करून मोहरीच्या तेलाचा दिवा लावणाऱ्यांवर शनिदेवाची वाईट नजर पडत नाही. शास्त्रांमध्ये असे म्हटले आहे की जे लोक पिंपळदा मुनींचे नाव घेतात आणि पिंपळाच्या झाडाची पूजा करतात त्यांना शनिदेवाच्या महादशेचा फारसा परिणाम होणार नाही.

हनुमानाची पूजा - सूर्यपुत्र शनिदेव पवनपुत्र हनुमानाला घाबरतात. जे लोक हनुमानाची पूजा करतात आणि हनुमान चालीसा किंवा सुंदरकांड पठण करतात त्यांना शनिदेवाच्या महादशेचा त्रास होत नाही आणि सर्व दोषही दूर होतात. शनिदेवांनी स्वतः म्हटलं आहे की जो कोणी भक्त हनुमानाची पूजा करतो त्याला माझ्या महादशेचा कोणताही परिणाम होणार नाही.

मदादेव - हनुमानाव्यतिरिक्त शनिदेव देवाधि देव महादेवांनाही घाबरतात. शनिदेव मदादेवाला आपले गुरु मानतात, शनिदेवाची वक्रदृष्टी शंभू भक्तांवर पडत नाही. शंकरानेच शनिला सर्व नऊ ग्रहांमध्ये न्यायाधीशाचा दर्जा दिला, असे मानले जाते.

शनिदेवाची पत्नी चित्ररथ - वरील देवतांव्यतिरिक्त शनिदेव त्यांची पत्नी चित्ररथलाही घाबरतात. ज्योतिषशास्त्रात असे म्हटले आहे की, शनिदेवाची महादशा संपवण्यासाठी शनीच्या पत्नीच्या नावाचा मंत्र जप करणे खूप फायदेशीर मानले जाते. असे केल्याने शनीच्या साडेसाती आणि धैय्याचे अशुभ परिणाम कमी होतात. पौराणिक कथेनुसार, मासिक पाळी संपल्यानंतर स्नान करून एका रात्री चित्ररथा संततीच्या इच्छेने शनिदेवांकडे गेली. परंतु, शनिदेव श्रीकृष्णाच्या ध्यानात मग्न होते. त्यांची पत्नी वाट पाहून थकली आणि संततीसाठी आवश्यक काळही संपून गेला. यामुळे संतप्त झालेल्या पत्नीने शनिदेवाला शाप दिला की, आजपासून तुम्ही ज्याला पाहाल त्याचा पूर्णपणे नाश होईल. म्हणूनच शनिदेवाच्या डोळ्यांकडे पाहिले जात नाही, शनिच्या पायाकडे खाली पाहून दर्शन घेतात.
(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)