पैशांच्या बचतीसाठी CNG कार घेतली, पण मायलेज मिळत नाहीये? लगेच करा हे काम

मुंबई : जास्त मायलेज मिळवण्यासाठी लोक सीएनजी कार खरेदी करतात पण जेव्हा गाडी अपेक्षेनुसार मायलेज देणे थांबवते तेव्हा तोटा होतो. पण सीएनजी कारच्या कमी मायलेजमागे अनेक कारणे असू शकतात. यामध्ये वाईट ड्रायव्हिंग स्टाइलपासून ते चुकलेल्या सर्व्हिसिंगपर्यंत सर्व काही समाविष्ट आहे. अशा परिस्थितीत, आम्ही तुम्हाला काही सोप्या टिप्स सांगत आहोत ज्यांचे पालन केल्यास तुम्ही सीएनजी कारमधून खूप चांगले मायलेज मिळवू शकता.

तुमच्या टायर्समध्ये योग्य हवेचा दाब ठेवा : कंपनीने सांगितल्याप्रमाणे गाडीच्या टायर्समध्ये हवा भरलेली असावी. कमी-अधिक हवा आत टाकणे टाळावे. टायरमध्ये हवेचा दाब कमी असेल तर गाडी चालवताना रबर आणि रस्त्यामधील घर्षण वाढेल. यामुळे गाडीच्या इंजिनवर दबाव येईल. म्हणून, गाडीच्या टायरचा दाब नियंत्रित ठेवणे महत्वाचे आहे. यामुळे गाडीचे मायलेजही वाढेल.

एअर फिल्टर साफ करणे खूप महत्वाचे : कदाचित तुम्हाला माहित नसेल की घाणेरड्या एअर फिल्टरचा मायलेज आणि कामगिरीवर सर्वात वाईट परिणाम होतो. कारण जर गाडीचा एअर फिल्टर घाणेरडा असेल तर हवा-इंधन मिश्रण ज्वलनात समस्या येऊ शकते. यामुळे इंजिनवर दबाव येतो आणि इंधन देखील लागते. म्हणून, दर महिन्याला एअर फिल्टरची स्वच्छता करणे आवश्यक आहे.

स्पार्क प्लग योग्यरित्या बदलणे आवश्यक : इंजिनमधील इग्निशन प्रोसेससाठी सीएनजी कारना चांगल्या दर्जाचे स्पार्क प्लग आवश्यक असतात. म्हणूनच स्पार्क प्लग चांगल्या स्थितीत असणे खूप महत्वाचे आहे. कारण सीएनजी वाहनांमध्ये इग्निशन तापमान पेट्रोल कारपेक्षा खूप जास्त असते. जर स्पार्क प्लग योग्य असेल तर इंजिन चांगल्या स्थितीत असेल आणि मायलेज देखील वाढेल. पाऊस आता थांबला आहे, म्हणून एकदा तुमच्या सीएनजी गाडीची पूर्णपणे सर्व्हिसिंग करून घ्या. असे केल्याने तुमची गाडी चांगल्या स्थितीत राहील.

क्लचचा योग्य वापर करा : सीएनजी गाडी चालवताना क्लचचा गैरवापर हा मायलेजसाठी सर्वात मोठा धोका आहे. तुम्हाला चांगले मायलेज हवे असेल तर क्लचचा योग्य आणि वेळेवर वापर करा. क्लचचा अनावश्यक वापर इंधनाचा वापर वाढवतो. एवढेच नाही तर जीर्ण झालेला क्लच गाडीचे मायलेज कमी करतो. यामुळे कार्यक्षमता कमी होते आणि इंधनाचा वापर जास्त होतो. जास्त इंधन वापरामुळे गाडी कमी मायलेज देते.

ट्रान्समिशन फ्लुइड नेहमी तपासा : सीएनजी कारचे मायलेज वाढवण्यासाठी, वेळोवेळी ट्रान्समिशन फ्लुइड तपासत राहणे खूप महत्वाचे आहे. हे काम स्थानिक ठिकाणाहून करू नये. नेहमी व्यावसायिक मेकॅनिककडून ट्रान्समिशन फ्लुइड तपासण्याचा प्रयत्न करा.