खऱ्या लग्नात राहून गेलेलं कृतिका-चेतनचं ते स्वप्न, मालिकेत झालं पूर्ण, पाहा PHOTO

तुळशीच्या लग्नानंतर आता घरोघरी लग्नाला सुरुवात झाली आहे. मालिकेतही लगीन सराईला सुरुवात झाली आहे. स्टार प्रवाहच्या लपंडाव मालिकेतही लगीन घाई पाहायला मिळतेय.

लपंडाव मालिकेत सखी-कान्हाच्या लग्नाची धामधूम सुरु झालीय. लग्नाची तयारी तर जल्लोषात सुरु आहे. सरकार देखील लग्नात सहभाग घेत आहेत.

अभिनेत्री कृतिका देव आणि अभिनेता चेतन वडनेरे या मालिकेत प्रमुख भूमिकेत आहेत. दोघांसाठी मालिकेतील हे लग्न फार महत्त्वाचं ठरलं आहे. त्याचही कारणही तितकंच खास ठरलं आहे.

अभिनेत्री कृतिका देवनं काही वर्षांआधी अभिनेता अभिषेक देशमुखबरोबर लग्न केलं. दोघेही अभिनय क्षेत्रात कार्यरत आहेत.

तर अभिनेता चेतन वडरेने देखील काही महिन्यांआधी लग्न केलं. दोघांची लव्ह स्टोरी खूपच हटके आहे. कृतिका आणि चेतन दोघांचंही खऱ्या आयुष्यात लग्न झालं आहे. आता ते मालिकेत लग्न करणार आहेत.

दरम्यान कृतिका आणि चेतन यांची खऱ्या आयुष्यातील लग्नात जी गोष्ट करायची राहून गेली होती ती गोष्ट त्यांना मालिकेत करायची संधी मिळाली आहे.

लपंडाव मालिकेत सखी-कान्हाचं एक हटके प्री-वेडिंग फोटोशूट दाखवण्यात येणार आहेय भव्यदिव्य सिनेसिटी स्टुडिओमध्ये हे फोटोशूट पार पडलं आहे. मालिका विश्वात पहिल्यांदा अश्या प्रकारे प्री-शूटिंग करण्यात आलंय. पारपंरिक आणि मॉडर्न अश्या दोन्ही लूकमध्ये सखी-कान्हाने फोटोशूट केलंय.

सखी -कान्हा म्हणजेच अभिनेता चेतन वडनेरे आणि अभिनेत्री कृतिका देवचं खऱ्या आयुष्यात प्री वेडिंग फोटो शूट झालं नाहीय त्यामुळे दोघांसाठी हा नवा अनुभव होता. तीन वेगवेगळे लूक त्यांनी केले आहेत.

सिनेसिटी स्टुडिओमध्ये जगभरातील प्रेक्षणीय स्थळांच्या प्रतिकृती उभारण्यात आल्या आहेत. भन्नाट दिवस होता. नेहमीच्या शूटिंगपेक्षा काहीतरी वेगळं करताना खूप धमाल आली अशी भावना कृतिका आणि चेतनने व्यक्त केली.