Madhuri Dixit Fitness: 57 व्या वर्षीही माधुरी दीक्षित फिट अँड फाइन, काय आहे 'धक धक' गर्लचा फिटनेस फंडा? सिक्रेट झालं रिव्हील

बॉलीवूडची 'धक धक गर्ल' माधुरी दीक्षित आजही तिच्या सौंदर्याने आणि फिटनेसने चाहत्यांना घायाळ करते. 80-90 च्या दशकात लाखो लोकांची धडधड वाढवणारी ही अभिनेत्री आज 57 वर्षांचीही अगदी तशीच दिसते.

माधुरीच्या चेहऱ्याची चमक आणि शरीराची लवचिकता पाहून अनेक तरुण अभिनेत्रीही अचंबित होतात. यामागे आहे तिची नियमित दिनचर्या आणि तंदुरुस्त राहण्याची मेहनत.

माधुरी स्वतःला फिट आणि हेल्दी ठेवण्यासाठी काय करते? याविषयी जाणून घेऊया. तिची दिनचर्या काय आहे यावर एक नजर टाकूया.

माधुरीच्या दिवसाची सुरुवात हलकी आणि पौष्टिक आहाराने होते. ती ओट्ससोबत ताज्या फळांचा समावेश करते, जे शरीराला ऊर्जा देतात आणि त्वचेचा नूर टिकवतात. ती सकाळी भरपूर पाणी पिण्यावर भर देते शरीर डिटॉक्स ठेवण्यासाठी हे अत्यंत महत्त्वाचे आहे.

दुपारच्या जेवणात माधुरी डाळ, चपाती, हिरव्या भाज्या आणि सॅलड खाते. ती पोषणमूल्यांकडे विशेष लक्ष देते. ती 'बॅलन्स डायेट'चे पालन करते ज्यामध्ये कार्बोहायड्रेट्स, प्रथिने आणि हेल्दी फॅट्स यांचा समावेश असतो.

रात्री ती सूप, उकडलेल्या किंवा ग्रिल केलेल्या भाज्या खाते. झोपेपूर्वी पचन सोपे व्हावे यासाठी ती नेहमी हलके जेवण पसंद करते. माधुरीच्या चेहऱ्याची नैसर्गिक चमक पाहून अनेक जणी विचारतात की ती काय स्किन प्रॉडक्ट्स वापरते? पण तिच्या म्हणण्यानुसार, भरपूर पाणी पिणे, संतुलित आहार, आणि पुरेशी झोप हेच तिच्या त्वचेचे रहस्य आहे.

माधुरीसाठी डान्स केवळ करिअर नाही, तर तो तिच्या आरोग्याचा एक महत्त्वाचा भाग आहे. ती नियमित डान्स प्रॅक्टिस करते – विशेषतः कथ्थक, ज्यामुळे ती कॅलरीज बर्न करते आणि शरीर लवचिक ठेवते. याशिवाय ती दररोज योगा आणि स्ट्रेचिंगही करते.

डान्स आणि योगा व्यतिरिक्त, माधुरी नियमित जिममध्येही जाते. स्ट्रेंथ ट्रेनिंग आणि कार्डिओ ह्या दोन्हीचा समावेश तिच्या वर्कआउटमध्ये आहे. त्यामुळे तिची फिटनेस पातळी कायम उच्च असते.