नाटकात मुलींची काम, आचारी होऊन भरलं पोट; अभिनेता 23 दिवस आधीच का सेलिब्रेट करतो बर्थडे?

खरंतर पंकज त्रिपाठी यांचा आज वाढदिवस नाही. पण आज वाढदिवस साजरा करण्यामागचं त्यांचं कारणही तितकीच खास आहे.

पंकज त्रिपाठी यांचे भाऊ शाळेत त्यांचं नाव दाखल करण्यासाठी गेले होते. त्यांना पंकज यांची जन्म तारीख लक्षात नव्हती पण महिना लक्षात होता.

पंकज यांनी शाळेत शिक्षकांना 5 सप्टेंबर अशी त्यांची जन्मतारीख सांगितली कारण त्या दिवशी टीचर्स डे होता. शाळेत असल्यापासून पंकज त्रिपाठी 5 सप्टेंबरला त्यांचा वाढदिवस साजरा करतात. त्यांची खरी जन्मतारीख ही 28 सप्टेंबर असी आहे. त्यामुळेच ते 28 दिवस आधीच 48 वर्षांचे झाले आहेत.

पंकज त्रिपाठी यांच्या अभिनय क्षेत्रातील करिअरची सुरूवात त्यांच्या गावात केल्या जाणाऱ्या छोट्या छोट्या नाटकांमधून झाली. गावातील नाटकांमध्ये ते मुलींच्या भुमिका करायचे ज्यामुळे ओळखणं कठीण व्हायचं.

शिक्षण पूर्ण होत असताना त्यांनी थिएटर जॉईन केलं. कुटुंबाची आर्थिक परिस्थिती हालाकिची होती. वडिलांकडे द्यायला पैसे नव्हते. त्यामुळे पंकज त्रिपाठी यांनी त्यांचं स्वप्न पूर्ण करण्यासाठी लहान मोठी कामं करणं सुरू केलं.

पंकज त्रिपाठी यांनी दोन वर्ष एका हॉटेलमध्ये आचारी म्हणून काम केलं. काम करून पैसे जमवले आणि नॅशनल स्कूल ऑफ ड्रामामध्ये एडमिशन घेतलं.

नॅशनल स्कूल ऑफ ड्रामामध्ये शिकल्यानंतर 2004 साली रन या सिनेमातून त्यांनी करिअर सुरू केलं. त्यानंतर अनेक सिनेमात लहान मोठी काम, ADD FILMS आणि टीव्ही सीरिअलमध्ये काम केलं.

पंकज त्रिपाठी यांनी नेहमीच पैसा आणि प्रसिद्धीपेक्षा आपल्या आवडीला सर्वात जास्त महत्त्व दिलं. "पैसे आणि प्रसिद्धीच्या मोहात पडून इंडस्ट्रीत पाऊल ठेवलं नाही, मला खरंच सिनेमात काम करायचं होतं जी माझी आवड होती", असं ते सांगतात.