Healthy Seeds for men: ‘या’ बिया आहेत पुरूषांसाठी पॉवर सेंटर, शरीराला मिळेल स्फूर्ती आणि ताकद, दूर पळतील गंभीर आजार

Published by:Tushar Shete

Last Updated:December 22, 2024 4:33 PM IST

Healthy Seeds for men: आपल्याकडे जसे मसाल्यांचे आरोग्यदायी फायदे आहेत तसंच काही फळांच्या बिया पुरूषांसाठी आरोग्यदायी आहे. या बियां ‘योग्य प्रमाणात’ खाल्ल्याने पुरूषांना अनेक फायदे होतील. मानसिक,शारीरिक थकवा दूर करण्यापासून ते स्नायूंना मजबूत करण्यापर्यंत या बिया फायद्याच्या ठरू शकतात. वैद्यकीय सल्ल्यानुसार या बियांच्या प्रमाणबद्ध वापर केल्याने हृदयरोगापासून ते शुक्राणूंपर्यंतच्या लैंगिक आजारांना दूर ठेवता येतं. जाणून घेऊयात पुरूषांसाठी या आरोग्यदायी आणि शक्तीवर्धक बियां कोणत्या आहेत आणि त्यांचे फायदे काय आहेत ते.

1/7

अळशीच्या बिया (Flax seeds): अळशीच्या बियांमध्ये फायबर्स, ओमेगा -3 फॅटी ॲसिड्स, मॅग्नेशियम, मँगनीज, थायमिन असतात. यामुळे रक्ताभिसरण चांगलं होऊन शरीरातल्या वाईट कोलेस्टेरॉलचं प्रमाण कमी व्हायला मदत होते. त्यामुळे हृदय मजबूत होऊन हृदय विकारांचा धोका टळतो.

2/7

तीळ (Sesame seeds): तीळ हे अँटीऑक्सिडंट आणि दाहक-विरोधी गुणधर्मांनी समृद्ध आहेत. याशिवाय ते उष्ण प्रकृतीचे असल्यामुळे हिवाळ्यात तीळ खाल्ल्यामुळे शरीर आतून उबदार राहायला मदत होते.

3/7

चिया सिड्स (Chia seeds): या बियांमध्ये फायबर जास्त प्रमाणात असल्याने त्या पचनासाठी फार फायद्याच्या असतात. याशिवाय त्यात असलेल्या ओमेगा-3 फॅटी ॲसिडमुळे जळजळीचा त्रास कमी होतो.

4/7

खरबूजाच्या बिया (Muskmelon seeds): खरबूजाच्या बियांमध्ये भरपूर प्रमाणात पोटॅशियम आढळून येतं जे रक्तदाब नियंत्रणात ठेवायला मदत करतं.तरुण वयात हृदयविकाराच्या वाढत्या तक्रारींवर खरबूज बियांसहीत खाणं फायद्याचं ठरतं. या बिया खरबूजासोबत, त्या सुकवून आणि भाजून किंवा सूर आणि भाज्यांमध्ये टाकून खाता येतात.

5/7

खसखस (Poppy seeds): खसखसमध्ये व्हिटॅमिन बी जास्त प्रमाणात असतं. त्यामुळे पचनशक्ती सुधारण्यापासून ते हाडांना बळकटी देण्यासाठी आणि त्वचा कोमल राखण्यासाठी खसखस खाणं फायद्याचं ठरू शकतं.

6/7

सूर्यफुलाच्या बिया (Sunflower seeds): मानसिक तणाव दूर करण्यात सूर्यफुलांच्या बिया महत्त्वाची भूमिका बजावतात. सूर्यफुलाच्या बियांमध्ये असलेल्या प्रोटिन्स, व्हिटॅमिन ई, मोनोअनसॅच्युरेटेड फॅट्समुळे जळजळीचा त्रास दूर व्हायला मदत होते. शुक्राणूंची संख्या वाढवण्यात सूर्यफुलाच्या बिया फायद्याच्या ठरू शकतात. डॉक्टरांच्या सल्ल्यानुसार आठवड्यातून काही दिवस सूर्यफुलाच्या बिया खाणं फायद्याचं ठरू शकतं.

7/7

भोपळ्याच्या बिया (Pumpkin seeds): भोपळ्याच्या बियांमध्ये मोनोअनसॅच्युरेटेड फॅट्स आणि ओमेगा- 6 फॅट्स मोठ्या प्रमाणात असतात. यामुळे लघवीची जळजळ किंवा मूत्राशय, मूत्रमार्गाचा त्रास दूर होतो. भोपळ्याच्या बियांमध्ये असलेल्या झिंक शुक्राणूंच्या वाढीसाठी फायद्याचं आहे.

Healthy Seeds for men: ‘या’ बिया आहेत पुरूषांसाठी पॉवर सेंटर, शरीराला मिळेल स्फूर्ती आणि ताकद, दूर पळतील गंभीर आजार

फोटो

ताज्या बातम्या