मे महिन्यात भरभरून सुख मिळेल! अयोध्येच्या ज्योतिषांची 3 राशींसाठी भविष्यवाणी

उत्तर प्रदेशच्या ज्या शहरात श्रीरामांचं भव्य मंदिर वसलंय त्या अयोध्येतील ज्योतिषी पंडित कल्की राम यांनी सांगितलं की, मे महिन्यात अनेक मोठ्या ग्रहांची चाल, स्थिती बदलणार आहे. सर्वात महत्त्वाचं म्हणजे देवगुरू गुरू ग्रह वृषभ राशीत प्रवेश करेल. हा राशीप्रवेश तब्बल 18 वर्षांनंतर होणार आहे. 3 मेला याच राशीत गुरू अस्त होईल. तर, 10 मे रोजी बुध ग्रहाचा मेष राशीत प्रवेश होईल. असं म्हणतात की, कुंडलीत बुध ग्रहाचं स्थान मजबूत असले तरच आयुष्य सुख-सुविधांनी संपन्न असतं. हे समीकरण वर्षानुवर्षांचं आहे. तसंच 14 मे रोजी ग्रहांचा राजा सूर्य ग्रह वृषभ राशीत प्रवेश करेल. तर, 19 मे रोजी शुक्र मेष राशीतून निघून आपल्या वृषभ राशीत जाईल. म्हणजेच वृषभ राशीत गुरू आणि शुक्राची युती होणार आहे. याचा काही राशींना भरभरून फायदा मिळेल.

मेष : आपली आर्थिक स्थिती प्रचंड भक्कम होणार आहे. पालकांना मुलांकडून चांगली बातमी मिळेल. आपलं उत्पन्न वाढेल. उत्पन्नाचे नवे स्रोत निर्माण होतील. अविवाहितांसाठी आता एक उत्तम स्थळ येण्याची शक्यता आहे.

वृषभ : आपल्याला करियरमध्ये नव्या संधी मिळतील. आपली आर्थिक स्थिती भक्कम होईल. मागील बऱ्याच काळापासून अडकलेले आपले पैसे आता परत मिळतील. व्यापार विस्तारेल, मान-सन्मान वाढेल. धार्मिक कार्यात सहभागी व्हाल.

सिंह : आपल्याला करियरमध्ये चांगली संधी मिळेल. नोकरी करणाऱ्यांना वरिष्ठांकडून शाबासकीची थाप मिळेल. दाम्पत्य जीवनात सुख येईल. आरोग्यासंबंधित सर्व समस्या आता दूर होतील.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)