गरजू मुलांना दिवाळीचा आनंद देणारा उपक्रम; बाळासाहेब मालुसरे यांची समाजसेवा

प्राची केदारी-प्रतिनिधी, पुणे : प्रत्येकजण आपल्या घरात आनंदाने दिवाळी साजरी करत असतो. मात्र, समाजात असे अनेक घटक आहेत - गरीब, गरजू, रस्त्यावर राहणारी मुलं - ज्यांना या सणाचा आनंद मिळत नाही. या मुलांनाही दिवाळीचा आनंद अनुभवता यावा यासाठी पुण्यातील मंडई सांस्कृतिक कट्ट्याचे अध्यक्ष बाळासाहेब मालुसरे हे सातत्याने प्रयत्नशील आहेत. या उपक्रमाच्या माध्यमातून ते रस्त्याच्या कडेला राहणाऱ्या मुलांना स्वतः दुकानात नेऊन त्यांच्या पसंतीचे कपडे खरेदी करून देतात.