उन्हाळी सुट्ट्यांसाठी ST चा मोठा निर्णय, 15 एप्रिलपासून पुण्यातून जादा बस

पुणे: उन्हाळी सुट्टी सुरू झाली की अनेक जण आपल्या गावी जात असतात. यामुळे रेल्वे स्थानक, बस स्थानकावर प्रवाशांची मोठी गर्दी पाहायला मिळते. शाळांना उन्हाळी सुट्ट्या सुरू होताच स्वारगेट, शिवाजीनगर आणि पुणे स्टेशनवर प्रवाशांची मोठी गर्दी होते. कोल्हापूर, सोलापूर, नाशिक, मुंबई, छत्रपती संभाजीनगर, कोकण यासह राज्याच्या कानाकोपऱ्यात जाणाऱ्या प्रवाशांना एसटीचा प्रवास सुखकर, वातानुकूलीत व्हावा यासाठी पुणे एसटी विभागाकडून 15 एप्रिलपासून जादा बस सोडण्याचे नियोजन केले आहे.