ऐन दिवाळीत निघणार ‘दिवाळे’, पुणे–दिल्ली प्रवास दुबई, बँकॉकपेक्षा महाग, तिकीट दर पाहिले का?

पुणे: दिवाळी सणाच्या पार्श्वभूमीवर विमान प्रवासाच्या दरात मोठ्या प्रमाणात वाढ झाली असून, देशांतर्गत प्रवास प्रवाशांच्या आवाक्याबाहेर जात आहे. पुण्याहून दिल्ली, बंगळुरू, हैदराबाद या प्रमुख शहरांकडे जाणाऱ्या विमानांचे तिकीट दर भरमसाठ वाढले आहेत. विशेष म्हणजे, पुण्याहून दुबई किंवा बँकॉकसारख्या देशांचा प्रवास सुमारे 20 हजार रुपयांत शक्य आहे, तर देशांतर्गत प्रवासासाठी तितकेच किंवा त्याहून अधिक तिकीट दर आकारले जात आहे. या दरवाढीमुळे प्रवाशांचे मात्र ऐन दिवाळीत ‘दिवाळे’ निघण्याची शक्यता आहे.