पोलीसच निघाला 'चोर'; अनेक काळे कारनामे अन् फसवणुकीचे गुन्हे, अखेर पिंपरीत रंगेहाथ पकडलं

प्रमोद चिंतामणी जानेवारी २०२५ मध्ये पिंपरी-चिंचवड आर्थिक गुन्हे शाखेत नियुक्त होता. एका ४ कोटींच्या फसवणुकीच्या गुन्ह्यातील आरोपीला मदत करण्यासाठी त्याने संबंधित वकिलामार्फत चक्क २ कोटींची लाच मागितली होती. याप्रकरणी लाचलुचपत प्रतिबंधक विभागाने (ACB) सापळा रचून २ नोव्हेंबर रोजी त्याला ४६ लाख ५० हजार रुपये स्वीकारताना रंगेहाथ पकडलं. त्याच्या घराच्या झडतीतही घेतली, ज्यात ५१ लाखांचा ऐवज सापडल्याने खळबळ उडाली होती.

एसीबीच्या अटकेनंतर या फौजदाराचे अनेक काळे कारनामे उघड झाले. त्याने पिंपरी-चिंचवड परिसरातील सुमारे ४० नागरिकांना 'पैसे दुप्पट करून देणे' आणि 'जास्त परतावा देण्याचे' आमिष दाखवून तब्बल ५ कोटी रुपयांना गंडवल्याचे समोर आले. याप्रकरणी २५ नोव्हेंबर रोजी भोसरी पोलीस ठाण्यात स्वतंत्र गुन्हा दाखल झाला. अनेक सामान्य नागरिकांची फसवणूक केल्याने पोलिसांची प्रतिमा मलिन झाली होती.