Trending:

Water Supply Pune: पुणेकरांनो, पाण्याचा वापर जपून करा, शहराला मिळणार फक्त एवढेच पाणी

Published by:Mohan Najan
Reported by:Pooja Satyavan Patil

Last Updated:September 10, 2025 4:13 PM IST

पुणेकरांची पाण्याची चिंता मिटली असं वाटत होतं. पण वर्षभर पाणीपुरवठा चालू ठेवण्यासाठी महापालिकेला मोठी कसरत करावी लागणार आहे.

पुणेकरांनो, पाण्याचा वापर जपून करा, शहराला 14.61 टीएमसी पाणी मंजूर

पुणे : यावर्षी झालेल्या पावसामुळे पुण्यातील सर्व धरणे पूर्ण क्षमतेने भरत आली आहेत. त्यामुळे पुणेकरांची पाण्याची चिंता मिटली असं वाटत होतं. पण वर्षभर पाणीपुरवठा चालू ठेवण्यासाठी महापालिकेला मोठी कसरत करावी लागणार आहे. 2025-26 साठी केवळ 14.61 टीएमसी पाणीसाठा मंजूर करण्यात आला आहे. पुणे महानगरपालिकेने 81 लाख 64 हजार 868 लोकसंख्या गृहीत धरून शहरासाठी 21.03 टीएमसी पाण्याची मागणी केली होती. मात्र पाटबंधारे विभागाकडून 2025-26 या वर्षासाठी फक्त 14.61 टीएमसी पाणी मंजूर करण्यात आले आहे. त्यामुळे पुणेकरांच्या पाणीपुरवठ्याचे नियोजन करताना महापालिकेला मोठी कसरत करावी लागणार आहे.

महापालिकेला पुणेकरांना पुरेसे पाणी देण्याचे आव्हान

पुणे शहराला पाणी पुरवठा खडकवासला धरणसाखळी प्रकल्पातून 11.50 टीएमसी, पवना धरणातून 0.34 टीएमसी आणि भामा-आसखेड जलाशयातून 2.67 टीएमसी इतका देण्यात आला आहे. महापालिकेने 2024-25 मध्ये एकूण 22 टीएमसी पाणी वापरल्याची माहिती दिली आहे. त्यात खडकवासला धरणातून 19.75 टीएमसी, पवना धरणातून 0.36 टीएमसी आणि भामा-आसखेड धरणातून 1.90 टीएमसी पाणी वापरण्यात आले.

Mumbai News: मुंबईत घर घेणं परवडत नाही! तुम्हीच नाही, 81 टक्के लोक हेच म्हणतात, सर्व्हेतून पुढे आली धक्कादायक माहिती

सध्या खडकवासला धरणाची एकूण साठवण क्षमता 29.50 टीएमसी आहे. मागील वर्षी शेतीसाठी तीन टप्प्यांमध्ये एकूण 15 टीएमसी पाणी वापरले गेले. त्यामुळे पुणेकरांचा वर्षभरचा पाणीपुरवठा सुरळीत ठेवणे महापालिकेसाठी मोठं आव्हान ठरणार आहे. पाटबंधारे विभागाने पाण्याचे अंदाजपत्रक मंजूर करताना खडकवासला येथील महापालिकेच्या पाणी उपसा केंद्रावर नियंत्रण घेण्याची मागणी केली आहे.

Location :

Pune,Maharashtra

First Published :

September 10, 2025 4:13 PM IST

Water Supply Pune: पुणेकरांनो, पाण्याचा वापर जपून करा, शहराला मिळणार फक्त एवढेच पाणी