Pune Crime : पुण्याच्या 80 वर्षीय आजोबांना झटपट नफ्याचा मोह आवरला नाही; एक चूक अन् 30 लाख गायब

पुणे : पुणे शहरातील सायबर गुन्हेगारीचे सत्र सुरूच आहे. बुधवारीच शहरातून सव्वा कोटीच्या सायबर फसवणुकीच्या घटना समोर आल्या होत्या. यात आता आणखी एका घटनेची भर पडली आहे. शेअर बाजारात गुंतवणुकीच्या बहाण्याने कर्वे रस्ता परिसरातील एका ७८ वर्षीय ज्येष्ठ नागरिकाला तब्बल २९ लाख ३० हजार रुपयांचा गंडा घालण्यात आला आहे. अल्पावधीत मोठा परतावा मिळवून देण्याचे आमिष दाखवून सायबर चोरट्यांनी ही फसवणूक केली. याप्रकरणी अलंकार पोलीस ठाण्यात गुन्हा दाखल करण्यात आला आहे.