Hinjawadi Traffic Update : हिंजवडी परिसरात अवजड वाहन घेऊन जाताय? प्रशासनाचा हा महत्त्वाचा निर्णय आधी वाचा

पुणे: हिंजवडी भागात अलिकडेच काँक्रिट मिक्सर वाहनाखाली एका दुचाकीस्वार महिलेचा दुर्दैवी मृत्यू झाला होता. या घटनेनंतर हिंजवडीसह परिसरात वाढती अपघातांची संख्या लक्षात घेऊन पोलिस यंत्रणेकडून सर्व अवजड वाहनांवर विशेष लक्ष ठेवले जाणार आहे. शहरात येणाऱ्या या वाहनांनी फक्त निर्धारित वेळेतच प्रवास करावा, अशी सूचना पोलिसांनी दिली आहे.बांधकाम व्यावसायिकांनीही खबरदारी घेणे आवश्यक आहे. ज्या ठिकाणी बांधकाम सुरू आहे, त्या भागात रहदारीचे नियम काटेकोर पाळले जावेत. तसेच, संबंधित वाहनचालक नशेत नसल्याची खात्री करून, वाहनाची परवाने अद्ययावत असल्याची माहिती विकासकांनी आपल्या प्रकल्पावर नोंदवावी, असे पोलिसांनी सांगितले आहे.