Vastu Tips : घरात सुख-समृद्धी हवी आहे? मग चुकूनही रिकाम्या ठेवू नका 'या' वस्तू; अन्यथा होईल आर्थिक नुकसान!

वास्तूशास्त्रानुसार, घर हे मानवी जीवनाचा आधार आहे. माणसाच्या आयुष्यातील चढ-उतार, फायदे-तोटे, यश-अपयश हे सर्व काही घरामुळेच ठरतं. वास्तूशास्त्रानुसार, घरात काही गोष्टी कधीही रिकाम्या ठेवू नयेत. अन्यथा, घरात वास्तू दोष निर्माण होण्याची शक्यता असते. यामुळे घरात अशांतता आणि अडथळे येतात.

वास्तूशास्त्रानुसार, ज्योतिषी चंपक शर्मा यांनी सांगितलं की, घरातील पायावर कधीही रिकामी भांडी ठेवू नयेत. यामुळे लोकांच्या आयुष्यात नकारात्मकता येते. बाथरुममध्ये असो किंवा स्वयंपाकघरात, रिकामी बादली कधीही ठेवू नका. यामुळे आर्थिक नुकसान आणि मालमत्तेची हानी होते.

लोकांनी आपल्या घरात कधीही रिकामी भांडी किंवा फुलदाण्या ठेवू नयेत. हे अपूर्ण नात्याचं प्रतीक आहे. यामुळे वैवाहिक जीवनात अशांतता आणि कौटुंबिक समस्या निर्माण होतात. स्वयंपाकघरात लक्ष्मीचा वास असतो, असं मानलं जातं. त्यामुळे स्वयंपाकघरात कधीही रिकामं भांडं ठेवू नका. यामुळे घरात नकारात्मक ऊर्जा येते आणि घराचं वेगवेगळ्या प्रकारे नुकसान होतं. वास्तूशास्त्रानुसार, जर या नियमांचं पालन केलं, तर घरात कधीही अशांतता येणार नाही, घरातील अडचणी दूर होतील आणि घरात सुख-समृद्धी येईल.