जेवणात कधीतरी केस येणं सामान्य, पण सतत येत असेल तर असू शकतो दोष! उपाय काय?

उज्जैन : असं म्हणतात की, पोट भरलेलं असेल तर मन प्रसन्न राहतं. म्हणूनच आपण जे काही कष्ट करतो, मेहनत घेतो ती शेवटी अन्न-पाण्यासाठीच असते. शास्त्रांमध्ये जेवणाला पूजनीय मानलं जातं. म्हणूनच जेवणाचा आदर करावा, प्रत्येक घास व्यवस्थित चावून खावा, असं वडीलधारी माणसं कायम सांगतात. तुम्हाला माहितीये का, आपल्यासोबत भविष्यात घडणाऱ्या वाईट क्षणांचे संकेत कधीकधी जेवणातून मिळत असतात. आपल्याला केवळ ते अचूक ओळखता यायला हवं इतकंच.

कधीकधी आपल्या जेवणात केस येतो, मग काहीजणांना पुढे जेवायला किळस वाटते, तर काहीजण तो केस बाजूला काढून व्यवस्थित जेवण करतात. परंतु उज्जैनचे ज्योतिषी रवी शुक्ला सांगतात की, कधीतरी जेवणात केस येणं सामान्य आहे. परंतु जर असं सतत होत असेल तर हे अत्यंत अशुभ मानलं जातं. याचा अर्थ असतो की, तुमच्या घरावर किंवा आयुष्यावर राहूचा प्रभाव वाढलाय आणि राहू म्हणजे अडचणी. मग कदाचित तुम्ही आर्थिक संकटात अडकू शकता. विनाकारण एखाद्या वादात पडू शकता. ज्या व्यक्तीवर राहूचा प्रभाव वाढतो, तिच्या हातात पैसा काही केल्या टिकत नाही.