नवमीला अंबाबाई देवीची श्रीदक्षिणामूर्तीरुपिणी मातेच्या रूपात पूजा; पाहा खास Video

सर्व आगमशास्त्रे तंत्रविद्यांमध्ये श्रीदक्षिणामूर्ती हे आदिगुरु- संप्रदाय प्रवर्तक आहेत. यांच्या उपासनेने सर्व विद्या, रोग निवारण, मोक्षप्राप्ती होते. दुर्गविकारक अविद्या आणि माया यांचा नाश करणारे, अर्थात मृत्युचक्र नष्ट करणारी देवता म्हणून यांचे मुख दक्षिण दिशेला असते. ज्ञान हे निरंतर चिरतरुण असते, म्हणून ज्ञानमय दक्षिणामूर्ती नित्य तरुण असतात. तर ज्ञान घेणारा विद्यार्थी हा 'वृद्ध' होतो; 'वृद्धाः शिष्याः म्हणून त्यांच्या सभोवती ज्ञानार्थी वृद्ध असतात. आद्य शंकराचार्यांचे श्रीदक्षिणामूर्ति स्तोत्र सुप्रसिद्ध आहे, अशी माहिती श्रीपुजकांनी दिली आहे.