Virat Kohli : 74, 135 आता 100... विराटने Record Book बदलून टाकलं, वनडे क्रिकेटमध्ये घडला नवा इतिहास

रायपूर : दक्षिण आफ्रिकेविरुद्धच्या दुसऱ्या वनडेमध्येही विराट कोहलीने खणखणीत शतक झळकावलं आहे. विराटचं वनडे क्रिकेटमधलं हे 53 वे शतक आहे, याआधी रांचीमध्ये झालेल्या पहिल्या सामन्यातही विराटने शतक ठोकलं होतं. विराटसोबतच या सामन्यात ऋतुराज गायकवाडनेही शतकी खेळी केली आहे. गायकवाडचं वनडे क्रिकेटमधलं हे पहिलंच शतक आहे. विराट आणि ऋतुराजच्या या शतकामुळे टीम इंडियाची मोठ्या स्कोअरकडे वाटचाल सुरू झाली आहे. 90 बॉलमध्ये विराट कोहलीने त्याचं शतक पूर्ण केलं. या मॅचच्या आदल्या दिवशी विराटने नेटमध्ये तब्बल दीड तास सराव केला. रविवारी शतक ठोकल्यानंतर विराट टीमसोबत सोमवारी रांचीहून रायपूरला निघाला, त्यानंतर त्याने मंगळवारी नेटमध्ये घाम गाळला आणि आता बुधवारीही त्याने शतकी खेळी केली.