IPL संपताच फटाके फुटले, हार्दिक-अय्यरनंतर आणखी एक 'कॅप्टन' टीमची साथ सोडणार!

मुंबई : आयपीएल 2025 संपून अजून आठवडा संपला नाही तोच राजस्थान रॉयल्सला मोठा धक्का लागण्याची शक्यता आहे. राजस्थानचा कर्णधार संजू सॅमसन टीमची साथ सोडण्याची शक्यता वर्तवण्यात येत आहे. आयपीएलच्या यंदाच्या मोसमात संजू दुखापतीमुळे सुरूवातीचे काही सामने इम्पॅक्ट सब म्हणून खेळला, तर काही सामने तो खेळू शकला नाही. संजू सॅमसनच्या गैरहजेरीमध्ये रियान परागने राजस्थान रॉयल्सचं नेतृत्व केलं. संजू सॅमसनने केलेल्या इन्स्टाग्राम पोस्टमुळे तो राजस्थानची साथ सोडणार असल्याच्या चर्चा रंगू लागल्या आहेत.