Rohit Sharma : फक्त क्रिकेटच नाही मनानेही राजा आहे रोहित शर्मा, VIDEO पाहून तुम्ही देखील हेच म्हणालं

रोहित शर्मा शुक्रवारी अचानक शिवाजी पार्कच्या मैदानावर प्रॅक्टीस करण्यासाठी आला होता. या घटनेची माहिती मिळताच अनेक फॅन्सनी मैदानावर तुफान गर्दी केली होती. ही गर्दी इतकी झाली होती की मैदानाला स्टेडिअमचे रूप प्राप्त झालं होतं. तसेच गर्दी नियंत्रणात ठेवण्यासाठी रोहित शर्माला त्याचे बॉडीगार्ड मैदानात उतरवले होते.

आपल्या आवडत्या क्रिकेटपटूला मैदानात क्रिकेट खेळताना पाहून अनेकांना त्यांच्यासोबत फोटो काढण्यापासुन मोहत आवरत नव्हता. त्यामुळे अनेक फॅन्स रोहित सोबत फोटो काढण्याचा प्रयत्न करत होते.पण बॉडीगार्डमुळे त्यांना रोहितपर्यंत पोहोचणे अशक्य होते. त्यातल्या एका छोट्या फॅन्सने रोहित शर्माजवळ जाण्याचा प्रयत्न केला होता. पण एका बॉर्डीगार्डने त्याला अडवलं होतं. त्यामुळे तो रोहितचं नाव घेऊन जोरजोराने ओरडत होता. ही गोष्ट रोहितने पाहताच पहिल्यांदा तो आपल्या बॉडीगार्डवर प्रचंड भडकला आणि मुलाल आत पाठवण्यास सांगितले.

त्यानंतर रोहित शर्माने त्या मुलाला ऑटोग्राफ दिली आणि त्यानंतर त्यांच्यासोबत फोटोही काढला.त्यामुळे रोहित शर्माने एका छोट्या फॅन्ससाठी आपल्याच बॉडीगार्डला ओरडल्याचे पाहून अनेकांच्या मनात त्याच्यासाठी असलेला आदर आणखीण वाढला आहे. तसेच रोहित क्रिकेट सोबत मनाने ही राजा असल्याचे सिद्ध झाले आहे.या संदर्भातला व्हिडिओ मोठ्या प्रमाणात सोशल मीडियावर व्हायरल होत आहे. या व्हिडिओची एकच चर्चा रंगली आहे.