शुभमनला आधीच माहिती होतं 'रोहित शर्माची कॅप्टन्सी जाणार', दिल्ली टेस्टआधी प्रेस कॉन्फरेन्समध्ये केला खुलासा!

कसोटी सामन्याच्या मध्यभागीच याची घोषणा करण्यात आली होती, पण मला त्याआधीच थोडी माहिती मिळाली होती, असं शुभमन गिल म्हणाला. त्यामुळे त्याला रोहित शर्माची कॅप्टन्सी जाणार याची माहिती देखील होती. शुभमन पु़ढे म्हणतो, अर्थातच ही एक मोठी जबाबदारी आणि त्याहूनही मोठा सन्मान आहे. त्या फॉरमॅटमध्ये माझ्या देशाचे नेतृत्व करण्यास मी खूप उत्सुक आहे. आणि हो, गेल्या काही महिन्यांपासून माझ्यासाठी खूप रोमांचक आहे," असं शुभमन गिल गुरुवारी पत्रकार परिषदेत म्हणालंय.

मी क्रिकेटच्या तिन्ही फॉरमॅटमध्ये स्वतःला सिद्ध करण्यास आणि शक्य ते सर्व जिंकण्यास उत्सुक आहे, असं काही महिन्यांपूर्वी भारताच्या कसोटी कर्णधार म्हणून आपल्या कारकिर्दीची सुरुवात करणाऱ्या गिलने म्हटलं आहे. त्यामुळे आता शुभमन गिलची नजर सूर्यकुमारच्या कॅप्टन्सीवर आहे का? असा सवाल नेटकरी विचारत आहेत.

दरम्यान, भविष्यात काय घडेल याची मी खरोखर उत्सुक आहे. मला शक्य तितकं मैदानावर उपस्थित राहायचे आहे आणि मी काय साध्य करू शकलो आहे किंवा एक संघ म्हणून आपण काय साध्य करू शकलो आहोत याकडे मागे वळून पाहू इच्छित नाही. मला फक्त पुढे पाहायचे आहे आणि येणाऱ्या महिन्यांत आपल्याकडे जे काही आहे ते जिंकायचे आहे, असं म्हणत शुभमन गिलने आपला गेम प्लॅन सांगितला.