Shocking Crime : पत्नीची निर्घृण हत्या, पतीनेच आत्महत्येचा बनाव रचला पण...भयंकर घटनेने विरार हादरंल!

मिळालेल्या माहितीनुसार मांडवी परिसरात राहणारा विजय चव्हाण (वय 30) याचा पत्नीशी वारंवार विवाहबाह्य संबंधाच्या कारणावरून वाद होत होता. या वादातूनच आरोपीने पत्नीचा गळा आवळून तिची हत्या केली. हत्या केल्यानंतर गुन्हा लपवण्यासाठी त्याने पत्नीचा मृतदेह शेताजवळील एका खाणीत फेकून दिला.

घटनेनंतर विजयने स्वतःला वाचवण्यासाठी पत्नी बेपत्ता झाल्याचे भासवण्याचा प्रयत्न केला. त्याने परिसरात शोध घेतल्याचे नाटक केले आणि नातेवाईक आणि पोलिसांकडे पत्नी अचानक गायब झाल्याची तक्रार दिली. पोलिसांनीही विजयची तक्रार नोंदवली आणि तपास सुरु केला पण पोलिसांना तपासात महिलेच्या पतीवर संशय आल्याने त्यांनी तपासाची दिशा बदलली.