ठाणेकरांसाठी गुड न्यूज! 12200 कोटींच्या मेट्रो प्रकल्पाचं काम सुरू होणार, प्लॅन काय? स्टेशन कुठं?

ठाणे : ठाणेकरांसाठी एक दिलासादायक बातमी आहे. ठाणे महानगरपालिकेच्या नियोजित इंटरनल मेट्रो प्रकल्पाच्या कामाला अखेर गती मिळणार आहे. नोव्हेंबरपासून या महत्त्वाकांक्षी प्रकल्पाचं प्रत्यक्ष काम सुरू होणार असल्याची माहिती महामेट्रोच्या सूत्रांनी दिली आहे. सर्व काही नियोजनाप्रमाणे झाल्यास, 2029 पर्यंत ही मेट्रो सेवा प्रवाशांसाठी सुरू केली जाणार आहे. ही मेट्रो सेवा राज्याचे उपमुख्यमंत्री एकनाथ शिंदे यांचा महत्त्वाकांक्षी प्रकल्प मानला जातो. प्रकल्प पूर्ण झाल्यानंतर ठाणे शहरातील वाहतूक व्यवस्था आणि प्रवासाचा अनुभव दोन्ही पूर्णपणे बदलून जाणार आहेत.