या मंदिरात 'नरकाचा दरवाजा', इथं जो जातो त्याचा होतो मृत्यू; अखेर त्याचं रहस्य उलगडलं

ही एक छोटी गुहा आहे असं त्यांनी पुस्तकात सांगितलं. आत इतकं धुकं आहे की तुम्ही जमिनीवर क्वचितच पाहू शकता. त्यात पाठवलेले जीव मरतात. स्ट्रॅबोने चिमण्यांना त्यात सोडलं तेव्हा काही सेकंदातच त्यांचा मृत्यू झाला. त्यात पाठवलेले बैल लगेच खाली पडतात,  त्यांचा मृत्यू होतो, मग त्यांचा मृतदेह खेचून बाहेर काढला जातो. पण ज्या पुरोहितांना नपुंसक बनवून तिथं मरण्यासाठी पाठवलं गेलं होतं ते जिवंत परतले अशीही आख्यायिका आहे. यावर स्ट्रॅबो म्हणाला, कदाचित त्याला नपुंसक बनवल्यामुळे असं घडलं असावं.

उत्खनन करणाऱ्या फ्रान्सिस्को डीअँड्रिया यांनी सांगितलं की, आम्ही खूप आश्चर्यकारक गोष्टी पाहिल्या. इथं एक हॉट स्पॉट आहे, तिथं पोहोचताच अनेक पक्षी मरण पावले. त्याचा तपास केला असता वास्तव समोर आलं.

इथं कार्बन डायऑक्साइडची पातळी खूप जास्त असल्याचं आढळून आलं. जसजशी रात्र वाढत होती तसतशी C02 ची पातळी वाढत होती. हीच वेळ होती जेव्हा लहान प्राणी आत फेकले गेले. शास्त्रज्ञांचं म्हणणं आहे की, मंदिराच्या खालून विषारी कार्बन डायऑक्साइड वायू सतत बाहेर पडत असतो. यामुळेच मानव, प्राणी, पक्षी यांचा संपर्क येताच मृत्यू होतो. या मंदिराला भेट देण्याची सर्वात धोकादायक वेळ म्हणजे पहाटे, जेव्हा गुहेतील वायू रात्रभर वाढत राहतो. दिवसा ते कमी होतं कारण सूर्यप्रकाशामुळे गॅस कमी होतो.