Farmer Success Story: केवळ भेंडी नाही तर स्मार्ट शेती, शेतकरी कमावतोय दुप्पट उत्पन्न, कसं केलं नियोजन?

छत्रपती संभाजीनगर : छत्रपती संभाजीनगर तालुक्यातील हिवरा गावातील शेतकरी अर्जुन पोपळे हे मागील 4 वर्षांपासून भेंडीचे उत्पादन घेतात. या भेंडीच्या शेतीतून त्यांना 2 लाख रुपयांपर्यंत उत्पन्न मिळते. भेंडी शेतीसाठी त्यांनी एप्रिलच्या सुरुवातीला अर्धा एकरमध्ये भेंडी बियाण्याची लागवड ठिबक पद्धतीने केलेली आहे. तसेच भेंडीबरोबरच आंतरपीक म्हणून टोमॅटो आणि ॲपल बोराची लागवड केली आहे. भेंडी पिकातून उत्पन्न चांगले मिळावे म्हणून शेणखत आणि रासायनिक खताचा वापर करण्यात येतो, आता दर तिसऱ्या दिवशी भेंडीची काढणी होत असल्याचे अर्जुन पोपळे यांनी लोकल 18 सोबत बोलताना सांगितले.