या उपक्रमामुळे हस्तकला उद्योजकांना आणि महिला स्वयंरोजगार गटांना थेट ग्राहकांपर्यंत पोहोचण्याची मोठी संधी मिळत आहे. जर तुम्हीदेखील हाताने बनवलेल्या वस्तू (हँडमेड आयटम्स) तयार करत असाल, तर अगदी कमी खर्चात रेल्वे स्थानकावर तुमचा स्वतःचा व्यवसाय सुरू करू शकता.
शेतकऱ्यांसाठी गूड न्यूज, CCI मार्फत हमीभावाने कापसाची खरेदी सुरू, जालन्यात काय मिळाला भाव?
advertisement
काय आहे ‘एक स्थानक एक उत्पादन’ योजना?
या योजनेत प्रत्येक स्थानकावर त्या परिसरातील स्थानिक उत्पादनांना प्रोत्साहन दिलं जातं. उदाहरणार्थ – काही ठिकाणी वारली चित्रकला, तर काही ठिकाणी हस्तनिर्मित बांगड्या, पर्स, ज्यूट बॅग्स, खाद्यपदार्थ, हँडिक्राफ्ट वस्तू अशा अनेक वस्तू विक्रीसाठी लावल्या जातात.
योजनेचा लाभ कोण घेऊ शकतो?
हस्तकला उद्योजक, लघुउद्योग करणारे व्यापारी, स्वयंरोजगार गट, महिला बचत गट, ग्रामोद्योग किंवा खादी उत्पादक
अर्ज करण्यासाठी आवश्यक कागदपत्रे
या योजनेचा लाभ घेण्यासाठी सर्वप्रथम तुमच्याकडे ‘आर्टिझन कार्ड’ (Artisan Card) असणे आवश्यक आहे. हे कार्ड मिळवण्यासाठी पूर्ण प्रक्रिया ऑफलाइन आहे.
हे कार्ड मिळवण्यासाठी बेलापूर येथील CGO (Central Government Office) मध्ये जावे लागते.
तिथे तुम्ही तयार केलेल्या वस्तूंचा डेमो (प्रात्यक्षिक) द्यावा लागतो.
अधिकाऱ्यांकडून त्या वस्तूंचा व्हिडिओ शूट केला जातो आणि तुमची माहिती फॉर्ममध्ये भरली जाते.
प्रक्रिया पूर्ण झाल्यानंतर हे कार्ड तुम्हाला 1 ते 2 महिन्यांत पोस्टाने घरी मिळते.
आवश्यक इतर कागदपत्रे
आर्टिझन कार्ड किंवा खादी ग्रामोद्योग कार्ड, आधार कार्ड, पॅन कार्ड, गुमास्ता लायसन्स, भाडे आणि खर्च या स्टॉलसाठी तुम्हाला फक्त 1000 रुपये भरावे लागतात, जे 15 दिवसांचे भाडे असते.