Vat Purnima 2025: अशी वट पौर्णिमा निष्फळ! या रंगाच्या साड्या चुकूनही परिधान करू नयेत, पहा नियम

वटपौर्णिमेच्या दिवशी वडाच्या झाडाची पूजा करण्याची परंपरा आहे. वडाच्या झाडामध्ये ब्रह्मा, विष्णू आणि महेश हे त्रिमूर्ती वास्तव्य करतात अशी धार्मिक श्रद्धा आहे. त्यामुळे वट सावित्रीच्या दिवशी वटवृक्षाची पूजा केल्याने या तिन्ही देवांचा आशीर्वाद मिळतो आणि पतीला दीर्घायुष्याचे वरदान मिळते, असे मानले जाते

वडाच्या झाडाची पूजा का केली जाते? - पौराणिक कथेनुसार, देवी सावित्रीने पतीचे प्राण वाचवण्यासाठी मोठी तपश्चर्या केली. देवी सावित्रीच्या भक्ती आणि पावित्र्यतेने प्रसन्न होऊन यमराजाने वटवृक्षाखालीच पती सत्यवानाचे प्राण परत केले. यासोबतच वटवृक्षाची पूजा करणाऱ्या विवाहित महिलेच्या पतीला अकाली मृत्यू येणार आणि दीर्घायुष्य मिळेल, असे वरदानही दिल्याचे मानले जाते. म्हणूनच या व्रताच्या दिवशी वडाच्या झाडाची पूजा केली जाते आणि व्रताचे नाव देखील वट सावित्री आहे.

साड्यांचा रंग महत्त्वाचा - वट सावित्री व्रताच्या दिवशी काळ्या किंवा निळ्या रंगाच्या साड्या, कपडे परिधान करू नयेत, यामुळे अशुभ परिणाम मिळतात. महिलांनी काळे-निळे कपडे घालून पूजा केली तर त्याचे फळही मिळत नाही. वडाची पूजा करायला जाताना लाल, हिरवा, पिवळ्या रंगाच्या साड्या किंवा ड्रेस परिधान करा. काळ्या बांगड्या घालू नयेत.

वट सावित्री व्रताच्या दिवशी वडाच्या झाडाला इजा करू नये, त्याची पाने किंवा फांदी तोडू नये. जर तुम्ही घरी वडाच्या फांदीची पूजा करणार असाल तर एक दिवस आधी फांदी तोडून घरी आणणे गरजेचे आहे. वडाची पूजा करताना महिला वटवृक्षाला प्रदक्षिणा घालतात आणि झाडाच्या खोडाभोवती कच्चे सूत गुंडाळतात. पण असं करताना चुकूनही उलटी परिक्रमा होणार नाही, याची काळजी घ्यावी.

वट सावित्रीच्या दिवशी घरात वाद जाणीवपूर्वक टाळावे, वडीलधाऱ्यांचा अपमान करू नका. या दिवशी पूजा केल्यानंतर ज्येष्ठांचे आशीर्वाद घ्या. त्याने जीवनात सदैव समृद्धी राहील आणि तुमच्या मनोकामनाही पूर्ण होतील. गर्भवती स्त्रीने वट सावित्री व्रत पाळले असेल तर तिने वटवृक्षाची प्रदक्षिणा करू नये. फक्त वडाची पूजा करावी.

वट सावित्री व्रत कथा वाचल्याशिवाय किंवा ऐकल्याशिवाय हे व्रत अपूर्ण मानले जाते, म्हणून वट सावित्री व्रत कथा वाचावी किंवा ऐकावी. कथा वाचताना किंवा ऐकताना अर्धवट राहू देऊ नये पूर्ण करावी.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)