Health Tips : या फळांसोबत त्याच्या बियांचेही आहेत जबरदस्त फायदे, वजन कमी करण्यासाठी रामबाण

खरबूजाच्या बियांमध्ये अनेक प्रकारचे पौष्टिक घटक असतात, जे आरोग्यासाठी आरोग्यदायी मानले जातात. TrueMeds.com च्या रिपोर्टनुसार, या बिया खूप आरोग्यदायी आहे. कारण त्यात अनेक प्रकारचे पौष्टिक घटक असतात. त्यात ऊर्जा, प्रथिने, फायबर, कार्बोहायड्रेट, जस्त, पोटॅशियम, मँगनीज, सोडियम, कॅल्शियम, लोह हे मुबलक प्रमाणात असते.

खरबूजाच्या बिया हे वनस्पती-आधारित प्रथिनांचे मुख्य स्त्रोत आहे. यात सुमारे 3.6 टक्के प्रथिने, 4 टक्के चरबी, 2.5 टक्के कार्बोहायड्रेट असतात. या बियांचे सेवन केल्याने तुम्ही प्रोटीनचे प्रमाण वाढवू शकता.

खरबूजाच्या बियांमध्ये अँटीऑक्सिडंट्स, जीवनसत्त्वे ए, सी, ई असतात, जे डोळ्यांसाठी आरोग्यदायी असतात. व्हिटॅमिन ए, सी, ई डोळ्यांच्या आजारांना मॅक्युलर डीजेनरेशन प्रतिबंधित करते. तसेच दृष्टी तेजस्वी होते.

शरीरातील रक्तातील <a href="https://news18marathi.com/photogallery/lifestyle/women-health-chest-pain-bp-these-can-be-beginning-of-this-dangerous-disease-for-women-mhpj-1177829.html">कोलेस्टेरॉल</a> नियंत्रित ठेवण्यासाठी खरबूजाच्या बिया हा एक उत्तम पर्याय आहे. खरबूजाच्या बियांमध्ये असलेले अँटीऑक्सिडंट्स रक्तातील कोलेस्ट्रॉलची पातळी नियंत्रित ठेवतात.

खरबूजाच्या बियांमध्ये कर्करोगाचा धोका कमी करण्याची देखील क्षमता असते. याशिवाय या बियांमध्ये असलेले व्हिटॅमिन सी रोगप्रतिकारक शक्ती वाढवते आणि खोकला, सर्दी, फ्लू इत्यादीपासून संरक्षण करते.

खरबूजाच्या बियांमध्ये मॅग्नेशियम, फॉस्फरस, पोटॅशियम इत्यादी खनिजे असतात, ज्यामुळे रक्तदाब नियंत्रणात राहतो.

खरबूजाच्या बिया <a href="https://news18marathi.com/photogallery/lifestyle/health-tips-this-chinese-vegetable-is-more-powerful-than-spinach-makes-bones-and-heart-strong-mhpj-1176792.html">हाडे मजबूत</a> करण्यातही महत्त्वाची भूमिका बजावतात. हाडं मजबूत करण्यासोबतच या बियांमुळे हाडांची घनताही वाढते.

खरबूजाच्या बियांचे नियमित सेवन केल्याने टाइप-2 मधुमेह होण्याची शक्यता बऱ्याच प्रमाणात कमी होते. एवढेच नाही तर ते मायग्रेन, निद्रानाश, नैराश्यग्रस्त विकार यांवरही फायदेशीर आहे.

खरबूजाच्या बियांमध्ये आढळणारे ओमेगा-3 फॅटी ऍसिड हृदय व रक्तवाहिन्यासंबंधीचे कार्य चांगले ठेवते. तसेच हृदय व रक्तवाहिन्यासंबंधी रोग दूर करण्यात महत्त्वाची भूमिका बजावते.

तुटलेले केस आणि कमकुवत नखे दुरुस्त करण्यासाठी खरबूजाच्या बियांचे सेवन फायदेशीर ठरते. वास्तविक, या बियामध्ये असलेल्या उच्च प्रथिनांमुळे केस आणि नखे निरोगी राहू शकतात. तसेच शरीराच्या ऊतींना निरोगी ठेवण्यासही मदत होते.

शरीराचे वजन कमी करण्यासाठी खरबूजाच्या बियांचे सेवन देखील करता येते. या बियांमध्ये भरपूर फायबर असते, जे वजन कमी करण्यास मदत करते. कारण फायबरच्या सेवनाने पोट दीर्घकाळ भरलेले राहते.