Onion Benefits For Health : घरचाच कांदा पोटाची चरबी कमी करण्यासाठी रामबाण, 'असा' खा वजन झटक्यात होईल कमी!

कमी कॅलरी, जास्त फायबर : कांद्यामध्ये भरपूर पाणी असतं, तसंच फायबर जास्त असतं. त्यामुळेच कांद्यामध्ये कॅलरी खूप कमी असतात. फायबरमुळे बराच काळ तुम्हाला पोट भरल्याची जाणीव राहते. तसंच सतत खाण्याची इच्छाही होत नाही.

भूक मंदावते : कांद्यामधील संयुगांमध्ये भूक मंदावण्याची क्षमता असते. क्युरसेटिन या कांद्यातल्या अँटिऑक्सिडंटमुळे भुकेची जाणीव मंदावते. त्यामुळे भरपूर कॅलरी असलेले खाद्यपदार्थ खाण्याची इच्छाही कमी होते.

रक्तातली साखर नियंत्रित राहते :  कांद्यातल्या क्रोमियम या घटकामुळे रक्तातली साखर नियंत्रित राहते. इन्शुलिनबाबतची संवेदनशीलता वाढते. यामुळे सतत खाल्लं जात नाही व रक्तातली साखरेची पातळी नियंत्रित राहते.

डिटॉक्स :  कांद्यातलं सल्फर शरीराला डिटॉक्स करण्याचं काम करतं. यामुळे यकृताचं काम सुधारतं. यामुळे शरीरातली विषारी द्रव्य बाहेर टाकायला मदत मिळते.

पोटावरची चरबी कमी होते :  पोटावरची चरबी आरोग्यासाठी अत्यंत घातक असते. यामुळे चयापचयावर व रक्तातल्या साखरेवर त्याचा दुष्परिणाम होतो. कांद्यातल्या क्युरसेटिन घटकाच्या अँटिइन्फ्लमेटरी गुणधर्माचा उपयोग पोटावरच्या वाढलेल्या चरबीमुळे होणारा दाह कमी करण्यासाठी होतो.

पचन सुधारतं :  कांद्यात प्रोबायोटिक फायबर असतं. यामुळे आतड्याचं काम सुधारतं. यामुळे पचनक्रिया सुधारते. यामुळे वजन कमी करण्यास मदत होते.

आहारात कोणकोणत्या प्रकारे कांद्याचा समावेश करता येतो :  कांद्याचे अनेक उपयुक्त गुणधर्म पाहता, रोजच्या आहारात कांद्याचा समावेश केलाच पाहिजे. कांदा ही अशी भाजी आहे, की जी अनेक प्रकारे आहारात समाविष्ट करता येऊ शकते. सॅलडमध्ये कांद्यामुळे कुरकुरीतपणा व चवही येते. सूपमध्येही सामान्यपणे कांदा वापरला जातो. कांद्याच्या गोडसर चवीमुळे पदार्थाला स्वाद मिळतो. परतलेल्या भाज्यांमध्ये कांदा छान लागतो. साइड डिश म्हणून किंवा ग्रील्ड चिकनसोबत कॅरेमलाइज्ड कांदा खाल्ला जातो. उकळत्या पाण्यात कांद्याचे काप घालून त्याचा चहासुद्धा पिता येतो. हा एक हेल्दी पर्याय असू शकतो. कांद्याचे आणखीही काही फायदे आहेत. केसांसाठीही कांदा उपयोगी असतो. त्यामुळे कांद्याचा आहारात समावेश करायला हरकत नाही.