ऑनलाईन पेमेंट करताय? तर व्हा सावधान! सायबर गुन्हेगारांनी या व्यक्तीचे लुटले 10 लाख

एका छोट्या ऑनलाईन व्यवहारादरम्यान, त्याला अचानक त्याचे खाते रिकामे असल्याचे आढळले. बँकेच्या माध्यमातून त्याला काही पैसे परत मिळाले, पण ठगांनी त्याच्या खात्यातून 10 लाख 10 हजार रुपये चोरले होते, तर चला जाणून घेऊया ही संपूर्ण घटना…

या फसवणुकीचा बळी ठरलेल्या व्यक्तीचे नाव भूपिंदर सिंग आहे. जेव्हा भूपिंदर सिंग कोणालातरी ऑनलाईन 2200 रुपये पाठवत होते, तेव्हा त्यांना त्यांचे खाते रिकामे असल्याचे आणि कोणताही व्यवहार होत नसल्याचे लक्षात आले. भूपिंदरने थोडी रक्कम हस्तांतरित करण्याचा प्रयत्न केला तेव्हा ही घटना घडली.

Local18 शी बोलताना भूपिंदर सिंग म्हणाले की, त्यांच्या खात्यातून प्रत्येकी 5 लाख रुपयांचे दोन व्यवहार झाले आणि यानंतर 10 हजार रुपयांचा व्यवहारही झाला. या फसवणुकीनंतर भूपिंदरने सायबर क्राईम आणि बँकेत तक्रार दाखल केली. मात्र, बँकेच्या मदतीने त्यांना 2.5 लाख रुपये परत मिळाले आहेत, पण तरीही सुमारे 7 लाख 85 हजार रुपयांची रक्कम येणे बाकी आहे.

फसवणुकीला बळी ठरलेले भूपिंदर सिंग म्हणाले की, "जर त्यांना बँकेकडून उर्वरित रक्कम परत मिळाली तर ती त्यांच्यासाठी दिलासादायक बाब असेल, पण असे झाले नाही तर ते न्यायासाठी न्यायालयात जातील."