Beed Crime : 'बायकोला नांदायला का पाठवत नाहीस', जावयाला आला राग, मेहुण्याचं हॉटेलच पेटवून दिलं! 

नानाभाऊ कदम यांची मुलगी ज्ञानेश्वरी हिचा विवाह आठ वर्षांपूर्वी सोनीजवळा येथील तानाजी रामदास गायकवाड यांच्यासोबत झाला होता. त्यांना तीन मुले आहेत. पती तानाजी हा ज्ञानेश्वरीला नेहमीच मारहाण करत असल्यामुळे ती आपल्या मुलांसह माहेरी, कदमवाडी येथे भाऊ आसाराम कदम यांच्याकडे राहण्यासाठी आली होती.

या धमकीनंतर रविवारी रात्री तानाजीने मेव्हणा आसाराम कदम यांच्या अहमदनगर-अहिल्यानगर महामार्गावरील हॉटेलला आग लावली. या आगीत हॉटेलचे पत्र्याचे शेड, डीप फ्रीज, फ्रीज, काउंटर, खुर्च्या, टेबल, पाण्याचे जार आणि इतर सर्व साहित्य जळून खाक झाले. याप्रकरणी आसाराम कदम यांच्या फिर्यादीवरून तानाजी गायकवाड याच्याविरुद्ध केज पोलीस ठाण्यात गुन्हा दाखल करण्यात आला आहे.