'दादांनी संधी दिली म्हणून मी...' अजित पवारांच्या निधनानंतर घनश्याम दरोडे भावुक, VIDEO

महाराष्ट्रात छोटा पुढारी म्हणून ओळखला जाणारा घनश्याम दरोडेनं अजित दादांना व्हिडीओ शेअर करत श्रद्धांजली वाहिली आहे. मला दादांनीच छोटा पुढारी बनवलं असं सांगत घनश्याम भावुक झाला.

( Riteish Deshmukh on Ajit Pawar Death : 'ही मोठी हानी...' अजित दादांच्या निधनाच्या बातमीने रितेश देशमुखला धक्का, भावनिक पोस्ट )

व्हिडीओ शेअर करत धनश्याम म्हणाला, "मला तुम्हाला एक गोष्ट सांगायची आहे की, आज तुम्ही मला छोटा पुढारी म्हणून सगळीकडे ओळखलं जातं. ती खरी ओळख मला कोणी दिली असेल तर ते माझ्या तालुक्याचे माजी आमदार आणि आदरणीय अजित दादा पवार. त्यांनी मला पहिल्यांदा त्यांच्या मोठ्या व्यासपिठावर बोलण्याची संधी दिली. त्यावेळेस मला बोलताही येत नव्हतं. 2014 साली मी पहिलं भाषण केलं. आज मला ओळखलं जातंय पण त्यांच्यामुळे मला ओळखलं जातंय."

"आज अजित दादा पवारांचं सकाळी विमान दुर्घटनेत निधन झालं.अजित दादांना मी भावपूर्ण श्रद्धांजली देतो. सगळ्यांना माहितीये अजित दादांची काम करण्याची ऊर्जा, एक ख्याती आणि चांगल्या चांगल्या घाम पोडणारे, दादा म्हणजे शब्दाचा वादा."

घनश्याम पुढे म्हणाला, "मी महाराष्ट्राला एकच सांगेन की, माणूस जरी गेला तरी विचारांनी कायम आचरणात असतो. दादा तुम्ही गेलात पण संपूर्ण महाराष्ट्राला पोरकं करून गेलात. आमच्या मनात पोकळी निर्माण केलीत. दादा तुम्ही गेलात नव्हे तर तुमचे विचार रुजवून गेलात. तुम्हाला घनश्याम दरोडे आणि दरडो परिवाराकडून भावपूर्ण श्रद्धांजली वाहतो. ईश्वर चरणी एकच प्रार्थना करतो पवार कुटुंब, महाराष्ट्र, तरुण कुटुंब, महाराष्ट्रातील जनतेला लवकरच या दु:खाची सावरण्याची संधी भेटो, दादा तुम्ही कायम आमच्या आचरणात राहाल."

सांगायचं झाल्यास, छोटा पुढारीच्या भाषणांवर अजित पवार अनेकदा खळखळून हसताना दिसले आहेत. छोटा पुढारीला पुढे जाण्यासाठी त्यांनी लाखमोलाची मदत केली होती.

अजित पवार यांच्या विमान अपघतात त्यांच्यासह आणखी 6 जणांचाही मृत्यू झाला आहे. विमानाची पायलट शांभवी हिचाही मृत्यू झाला.