'मनाचे श्लोक' नावावरून तापलं राजकारण, मृण्मयी देशपांडेचा सिनेमा वादाच्या भोवऱ्यात, होणार कायदेशीर कारवाई?

मुंबई : मराठी चित्रपटसृष्टीत सध्या एका चित्रपटाच्या नावाने मोठा वाद पेटला आहे. राष्ट्रसंत श्री समर्थ रामदास स्वामी महाराजांनी रचलेल्या पवित्र 'मनाचे श्लोक' या धार्मिक ग्रंथाच्या नावाचा वापर चित्रपटासाठी करणे, हा थेट हिंदूंच्या श्रद्धेचा अपमान आहे, असा कडक इशारा हिंदु जनजागृती समितीने दिला आहे. हा प्रकार म्हणजे केवळ मनोरंजनासाठी आणि व्यावसायिक फायद्यासाठी संतपरंपरेला पायदळी तुडवण्यासारखे आहे, असा गंभीर आरोप समितीने केला आहे.