मनोरंजन विश्व पुन्हा एकदा हादरलं! प्रसिद्ध गायकाचं निधन, हृदयविकाराच्या झटक्याने गेले प्राण, चाहत्यांमध्ये शोककळा

लोकप्रिय गायक-अभिनेते गुरमीत सिंग यांचे निधन झाले आहे. त्यांच्या निधनाची बातमी ऐकून त्यांच्या चाहत्यांना आणि त्यांच्या सहकाऱ्यांना मोठा धक्का बसला आहे. मान हे पंजाबी लोकगीतांसाठी खूप प्रसिद्ध होते. त्यांच्या खास आणि दमदार आवाजासाठी ते ओळखले जात. गाण्यांसोबतच त्यांनी पंजाब पोलीस दलात अधिकारी म्हणूनही काम केले होते, ज्याबद्दल त्यांचे कौतुक केले जात असे. रिपोर्ट्सनुसार, गुरमीत मान यांचे निधन हृदयविकाराच्या झटक्याने झाले आहे. त्यांना गेल्या तीन-चार वर्षांपासून हृदयविकाराचा त्रास होता आणि काही वर्षांपूर्वी त्यांच्या हृदयात स्टेंटही टाकले होते.

यापूर्वी ८ ऑक्टोबर २०२५ रोजी पंजाबचे स्टार सिंगर राजवीर जवंदा यांचे मोटारसायकल अपघातानंतर निधन झाले होते. तब्बल १२ दिवस रुग्णालयात मृत्यूशी झुंज दिल्यानंतर त्यांनी अखेरचा श्वास घेतला. एकाच आठवड्यात दोन प्रसिद्ध कलाकारांचे असे अकाली निधन होणे, हा पंजाबी संगीत क्षेत्रासाठी खूप मोठा आणि कधीही भरून न येणारा तोटा आहे.

गुरमीत मान हे केवळ गायक नव्हते, तर ते एक उत्तम अभिनेता आणि पंजाबी विनोदी कलाकार म्हणूनही ओळखले जात होते. त्यांनी आपल्या कलेने जगभरातील पंजाबी समुदायापर्यंत आपली कला पोहोचवली. त्यांची 'बोलियां', 'बोली मैं पवन' आणि 'काके दियां पुरहियां' यांसारखी गाणी खूप प्रसिद्ध आहेत.

मान यांच्या निधनानंतर त्यांचे पार्थिव गुरदासपूर जिल्ह्यातील फतेहगढ चुडियाजवळील त्यांच्या मूळ गावी हरदोवाल येथे नेण्यात आले आणि तिथेच त्यांच्यावर अंत्यसंस्कार करण्यात आले. त्यांचे आकस्मिक निधन झाल्यामुळे संपूर्ण संगीत समुदायामध्ये आणि त्यांच्या चाहत्यांमध्ये शोककळा पसरली आहे.