Shah Rukh Khan : असं पहिल्यांदाच घडलं! 'मन्नत'वर शुकशुकाट, फॅन्सला भेटायला शाहरुख स्वत:च रस्त्यावर आला,VIDEO

मुंबई : बॉलिवूडचा किंग खान शाहरुखची एक झलक पाहण्यासाठी त्याचे लाखो चाहते मन्नतबाहेर गर्दी करतात. मुंबईतील वांद्रे येथे असलेला शाहरुखनचा बंगला मन्नतवर आजही चाहत्यांची गर्दी असते. पण काही महिन्यांआधी शाहरुख मन्नत बंगला सोडून दुसरीकडे शिफ्ट झाला. शाहरुख मन्नतच्या बाहेर येऊन त्याच्या गच्चीतून चाहत्यांना आपली झलक दाखवायचा. पण शाहरुखने मन्नत सोडल्यापासून मन्नतबाहेर शुकशुकाट पाहायला मिळतोय. असं असलं तरी चाहत्यांना भेटण्यासाठी शाहरुख स्वत: रस्त्यावर उतरला. शाहरुखने रस्त्यावर उतरून त्याच्या लाखो चाहत्यांची भेट घेतली. शाहरुखचा व्हिडीओ सोशल मीडियावर व्हायरल होतोय.