Eco Friendly: आता बाप्पा दिसेल अधिकच आकर्षक, फक्त 700 रुपयांत नाशिकमध्ये इथं मिळेल डेकोरेशन

नाशिक: हिंदू धर्मामध्ये गणपतीला आद्यदेवता मानलं आहे. श्रीगणेशाची नियमित पूजा केल्याने भक्तांच्या आयुष्यातील सर्व दु:ख आणि संकटं दूर होतात, असं म्हटलं जातं. श्रीगणेशाला बुद्धीचा दाता म्हणूनही ओळखलं जातं. अशा या विघ्नहर्त्याला प्रसन्न करण्यासाठी दरवर्षी भाद्रपद महिन्यात त्याची 10 दिवस आराधना केली जाते. त्यालाच आपण 'गणेशोत्सव' म्हणतो. या वर्षी 27 ऑगस्टपासून गणेशोत्सवाची सुरुवात होणार आहे. या पार्श्वभूमीवर घराघरांमध्ये गणपतीच्या सजावटीबाबत चर्चा सुरू आहेत. यंदाचा गणेशोत्सव पर्यावरणपूरक व्हावा यासाठी नाशिकमधील 'देविका आर्ट्स' यांनी इकोफ्रेंडली गणेश मखर बनवले आहेत.