Tomato juice benefits: वजन कमी करण्यात टोमॅटोचा वाटा महत्त्वाचा, त्वचेसाठीही गुणकारी!

दिल्ली : कोणत्याही पदार्थाची फोडणी टोमॅटोशिवाय जवळपास अपूर्ण असते. काहीजण लालचुटूक टोमॅटो कच्चेच खातात. परंतु टोमॅटोचा उपयोग हा फक्त अन्नपदार्थांना चव देण्यापुरतं मर्यादित नसतो बरं का, तर टोमॅटो अनेक पौष्टिक, आरोग्यपयोगी गुणधर्मांनी परिपूर्ण असतात. त्यात व्हिटॅमिन ए, सी, के आणि पोटॅशियम भरपूर प्रमाणात असतं. शिवाय टोमॅटोत असणारं लायकोपिन तत्त्व शरिरासाठी अत्यंत फायदेशीर ठरतं. एकूणच टोमॅटोमधून आरोग्याला काय फायदे मिळतात, सविस्तरपणे जाणून घेऊया.

डॉक्टर सांगतात की, पाणी हे शरिरासाठी अमृतासमान असतं. त्यामुळे शरिरात कधीच पाण्याची कमतरता निर्माण होऊ देऊ नये. त्यासाठी भरपूर पाणी प्यावंच, शिवाय रसाळ फळंसुद्धा खावी. फळांचा रस, ताक, लिंबूपाणी, नारळपाणी प्यायलात तर उत्तमच. टोमॅटोचा रस पिण्याचा सल्लाही दिला जातो. या रसाचे आश्चर्यजनक फायदे वाचून तुम्हीसुद्धा आजच त्याचा आहारात समावेश कराल.