Eggs : अंड खा, तंदुरुस्त राहा, डोळे, स्नायू, स्मरणशक्तीसाठी पौष्टिक आहार

नाश्ता, दुपारचं जेवण आणि रात्रीच्या जेवणापर्यंत अंड्यांचा वापर करुन भरपूर पदार्थ बनवता येतात. चवीबरोबरच आरोग्यासाठीही अंड हा चांगला स्रोत आहे. कारण त्यात प्रथिनं, व्हिटॅमिन डी, व्हिटॅमिन बी 12, कोलीन, लोह, ल्युटीन, झेक्सॅन्थिन, रिबोफ्लेविन, पॅन्टोथेनिक अ‍ॅसिड, व्हिटॅमिन बी 5, व्हिटॅमिन ए हे सर्व घटक असतात.

1. रोगप्रतिकारक शक्ती वाढवण्यासाठी चांगला स्रोत - रिकाम्या पोटी अंडी खाल्ली तर ती रोगप्रतिकारक शक्ती वाढवण्यास मदत करू शकते. मजबूत रोगप्रतिकारक शक्ती शरीराला अनेक प्रकारच्या संसर्गांपासून वाचवण्यास मदत करते.

2. वजन कमी करण्यासाठी उपयुक्त - सकाळी रिकाम्या पोटी अंडी खाल्ल्यानं जास्त खाणं टाळता येतं, ज्यामुळे वजन नियंत्रित राहण्यास देखील मदत होते. ज्यांना वजन कमी करायचं आहे ते नाश्त्यात उकडलेलं अंड खाऊ शकतात. यामुळे बराच काळ भूक लागत नाही आणि त्यामुळे जास्तीचं अन्न खाल्लं जात नाही.

3. शरीराला आवश्यक ऊर्जा देण्यासाठी उपयुक्त - शरीरात उर्जेची कमतरता वाटत असेल तर रिकाम्या पोटी अंडी खाऊ शकता. कारण अंड्यांमध्ये असलेले गुणधर्म ऊर्जा वाढवण्याचं काम करू शकतात. शरीराला पुरेशी शक्ती देण्यासाठी अंड उपयुक्त आहे.

4. मेंदूसाठी फायदेशीर - सकाळी रिकाम्या पोटी अंडी खाणं मेंदूच्या आरोग्यासाठी खूप चांगलं मानलं जातं.

5. अंड्यांमधले अनेक गुणधर्म डोळे निरोगी ठेवण्यास मदत करतात. तसंच हृदयविकार, स्मरणशक्ती वाढवण्यासाठीही अंड उपयुक्त आहे.