Trending:

Choose Prefect Rugs : गालिचा खरेदी करताय? 'या' 5 टिप्सने निवडा परफेक्ट रग, तुमचं घर दिसेल आलिशान..

Published by:Pooja Jagtap

Last Updated:September 10, 2025 12:33 PM IST

How to choose rugs that complement your room : गालिचे हे केवळ पायांना आराम देण्यासाठीच नाही तर घराला एक खास उबदारपणा देण्यासाठी आणि घर आकर्षक दिसण्यासाठी महत्त्वाचे असतात. तुम्ही देखील तुमच्या घराला सजवण्याचा विचार करत असाल तर काही महत्त्वाच्या टिप्स लक्षात घेणे आवश्यक आहे.

मुंबई : आपलं घर सुंदर, आकर्षक आणि सुटसुटीत दिसावं अशी प्रत्येकाची इच्छा असते. त्यासाठी अनेक जण वेगवेगळ्या प्रकारचे इंटेरिअर करतात आणि विविध वस्तूंनी घर सजवतात. परंतु संध्याच्या काळात घरांच्या सजावटीत फक्त भिंती आणि फर्निचरचा समावेश नसतो. घर प्रशस्त आणि आलिशान दिसाव यासाठी कार्पेट्स आणि गालिच्यांचा देखील वापर केला जातो.

गालिचे हे केवळ पायांना आराम देण्यासाठीच नाही तर घराला एक खास उबदारपणा देण्यासाठी आणि घर आकर्षक दिसण्यासाठी महत्त्वाचे असतात. तुम्ही देखील तुमच्या घराला सजवण्याचा विचार करत असाल तर काही महत्त्वाच्या टिप्स लक्षात घेणे आवश्यक आहे.

लक्झरी लूकसाठी काही खास टिप्स..

भिंतींना सजवा : गालिचे फक्त जमिनीवरच असावेत असा कोणताही नियम नाही. तुम्ही तुमच्या घराच्या साध्या दिसणाऱ्या भिंतींनाही गालिचांचा वापर करून आकर्षक बनवू शकता. भिंतींवर गालिचे टांगल्याने एक वेगळा व्हिज्युअल इफेक्ट मिळतो. तसेच जास्त ये-जा असलेल्या भागांमधील भिंती खराब होण्यापासून वाचवतात.

लेअरिंगचा वापर : तुमच्याकडे लहान आणि रंगीत गालिचा असेल तर काळजी करू नका. त्याला तुम्ही एका मोठ्या साध्या आणि न्यूट्रल रंगाच्या मॅटवर ठेवू शकता. एकाच वेळी विविध पॅटर्न आणि टेक्स्चरचा वापर केल्याने तुमच्या घराला एक वेगळा आणि खास 'स्टाइल स्टेटमेंट' मिळेल.

योग्य कॉन्ट्रास्ट ठेवा : तुम्ही तुमच्या भिंती किंवा फर्निचरसाठी जास्त गडद पॅटर्नचे वॉलपेपर किंवा अपहोल्स्ट्री वापरत असाल, तर गालिच्याचा रंग आणि पॅटर्न थोडा साधा ठेवा. याउलट तुमचा गालिचा जास्त पॅटर्न असलेला असेल, तर फर्निचर आणि भिंतींची सजावट कमीत कमी ठेवा. यामुळे जागेत गर्दी झाल्यासारखे वाटणार नाही आणि घराला एक शांत आणि सुंदर लूक मिळेल.

गालिचा योग्य ठिकाणी ठेवा : गालिचे फक्त दिवाणखान्यातच असावेत असे नाही. ते तुमच्या घरातल्या कोणत्याही खोलीला अधिक सुंदर बनवू शकतात. बेडरूमपासून बाथरुम आणि हॉलवेमध्येही त्यांचा वापर करता येतो. फर्निचरखाली गालिचे ठेवल्यास ते खराब होऊ शकतात. त्यामुळे गालिचा खरेदी करण्यापूर्वी त्याचा प्रकार आणि तो दाब सहन करू शकेल का, हे तपासणे महत्त्वाचे आहे.

योग्य आकार निवडा : घराच्या सजावटीत गालिच्याचा आकार खूप महत्त्वाचा असतो. लहान गालिचे नेहमी खोलीच्या मध्यभागी आणि फर्निचरच्या मधोमध ठेवा. यामुळे ते आकर्षणाचे केंद्रबिंदू ठरतात. मोठे गालिचे तुम्ही फर्निचरच्या खाली ठेवू शकता. कारण ते खोलीच्या एका बाजूकडून दुसऱ्या बाजूकडे एकसंध दिसतात. बेडरूमच्या दोन्ही बाजूला किंवा हॉलवेमध्ये ‘रनर्स’ वापरल्यास घराला एक आलिशान रूप प्राप्त होते.

अस्वीकरण : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी न्यूज-18 जबाबदार राहणार नाही.

Location :

Mumbai,Maharashtra

First Published :

September 10, 2025 12:33 PM IST

Choose Prefect Rugs : गालिचा खरेदी करताय? 'या' 5 टिप्सने निवडा परफेक्ट रग, तुमचं घर दिसेल आलिशान..