Trending:

Sprouted Potato Side Effects : कोंब आलेले बटाटे ठरतील जीवघेणे? काय आहे व्हायरल दाव्यामागचं सत्य

Published by:Manasee Dhamanskar

Last Updated:September 11, 2025 11:06 AM IST

सोशल मीडियावर सध्या एक व्हिडिओ चांगलाच व्हायरल होत आहे. पण या व्हायरल होणाऱ्या विडिओमध्ये नेमकं किती सत्य आहे ते आज आपण जाणून घेऊ. या व्हिडिओमध्ये एक दावा करण्यात आला आहे. तो असा की कोंब आलेले किंवा अंकुरलेले बटाटे खाल्ल्याने गंभीर आजार होऊ शकतात.

Is Sprouted Potatoes Are Harmful For Health : सोशल मीडियावर सध्या एक व्हिडिओ चांगलाच व्हायरल होत आहे. पण या व्हायरल होणाऱ्या विडिओमध्ये नेमकं किती सत्य आहे ते आज आपण जाणून घेऊ. या व्हिडिओमध्ये एक दावा करण्यात आला आहे. तो असा की कोंब आलेले किंवा अंकुरलेले बटाटे खाल्ल्याने गंभीर आजार होऊ शकतात. मोड आलेले किंवा अंकुरित बटाटे विषारी असतात. बटाट्यांच्या हिरवा रंग देखील हेच दर्शवतो. पण यात किती तथ्य आहे ते जाणून घेऊ. डायटिशियन कनिका खन्ना यांनी सोशल मीडियावर व्हायरल होणाऱ्या व्हिडिओबद्दल माहिती दिली आणि बटाट्यामध्ये सोलोनिन आणि चकोनाइन हे केमिकल्स आढळतात असल्याचे सांगितले.

सोलानाइन नावाचे विषारी तत्व

बटाट्यांमध्ये नैसर्गिकरित्या सोलानाइन नावाचे एक रासायनिक संयुग असते. हे एक प्रकारचे ग्लायकोअल्कलॉइड आहे, जे बटाट्याला कीटकांपासून आणि रोगांपासून वाचवते. जेव्हा बटाटा अंकुरित होतो किंवा सूर्यप्रकाशाच्या संपर्कात येतो, तेव्हा सोलानाइनचे प्रमाण वाढते.

का होतात हिरवे?

जेव्हा बटाटे जास्त काळ उन्हात किंवा प्रकाशात ठेवले जातात, तेव्हा ते हिरवे होऊ लागतात. हा क्लोरोफिल नावाच्या रंगद्रव्यामुळे होणारा बदल आहे. पण, या हिरवेपणासोबतच सोलानाइनचे प्रमाणही वाढते.

विषारी प्रमाण वाढते

अंकुरित झालेल्या बटाट्यांमध्ये सोलानाइनचे प्रमाण सामान्य बटाट्यांपेक्षा खूप जास्त असते. जर तुम्ही जास्त प्रमाणात असा बटाटा खाल्ला, तर तो तुमच्या आरोग्यासाठी हानिकारक ठरू शकतो.

विषबाधेची लक्षणे

जास्त प्रमाणात सोलानाइनचे सेवन केल्यास विषबाधा होऊ शकते. याची लक्षणे मळमळ, उलट्या, पोटदुखी, जुलाब आणि डोकेदुखी आहेत. गंभीर प्रकरणांमध्ये यामुळे मज्जासंस्थेवर परिणाम होऊ शकतो.

अंकुरित बटाटे खावे की नाही?

अंकुरित किंवा हिरवे झालेले बटाटे पूर्णपणे विषारी नसतात. जर बटाट्यावर लहान अंकुर असतील आणि तो जास्त हिरवा झाला नसेल, तर तुम्ही ते अंकुर आणि हिरवा भाग कापून टाकू शकता.

सुरक्षित पर्याय

ज्या बटाट्यांवर मोठे अंकुर आले आहेत, किंवा जे पूर्णपणे हिरवे झाले आहेत, ते खाणे टाळा. नेहमी ताजे आणि व्यवस्थित साठवलेले बटाटेच वापरा. बटाटे नेहमी थंड आणि अंधाऱ्या जागी ठेवा. अंकुरित बटाटे पूर्णपणे विषारी नाहीत, पण सोलानाइनचे प्रमाण वाढल्याने ते आरोग्यासाठी नक्कीच हानिकारक असू शकतात. त्यामुळे असे बटाटे खाण्यापूर्वी योग्य ती काळजी घेणे महत्त्वाचे आहे. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)

Location :

Mumbai,Maharashtra

First Published :

September 11, 2025 11:06 AM IST

Sprouted Potato Side Effects : कोंब आलेले बटाटे ठरतील जीवघेणे? काय आहे व्हायरल दाव्यामागचं सत्य