Vitamin D Deficiency Winter: हिवाळ्यात भेडसावते ‘व्हिटॅमिन डी’ ची समस्या, या गोष्टी खाऊन मिळवा ‘व्हिटॅमिन डी’

मुळातच हिवाळ्यात सूर्यप्रकाश कमी असतो. त्यामुळे अनेक जण ‘व्हिटॅमिन डी’च्या कमतरतेला बळी पडतात. त्यामुळे सांधेदुखीसह हाडांच्या दुखण्याचा त्रास वाढू लागतो. ‘व्हिटॅमिन डी’ च्या कमतरतेमुळे स्नायूंना बळकटी न मिळाल्याने ते कमकुवत होऊ लागतात. याचा सर्वात जास्त हा ‘बॉडी बिल्डर्स’ना होतो. आपल्या शरीरात विविध जीवनसत्त्वे तयार होत असली तरीही ‘व्हिटॅमिन डी’ मात्र हे तयार होत नाही. ते तयार करण्यासाठी आपल्याला सूर्यप्रकाशावर अवलंबून राहवं लागतं. त्यामुळे जर तुम्हाला सुद्धा ‘व्हिटॅमिन डी’च्या कमतरतेचा त्रास होत असेल तर जाणून घेऊयात कोणते अन्नपदार्थ खाल्ल्याने तुम्ही सूर्यप्रकाश नसताना थंडीतही ‘व्हिटॅमिन डी’ मिळवू शकता.

वरिष्ठ आहारतज्ञ कामिनी सिन्हा म्हणतात की, ‘व्हिटॅमिन डी’ आपल्या शरीरासाठी खूप महत्वाचं आहे. ते हाडं मजबूत ठेवण्यास मदत करतं. ‘व्हिटॅमिन डी’ मुळे शरीरात कॅल्शियम आणि फॉस्फरसचं शोषण व्हायला मदत होते. रोगप्रतिकारशक्ती वाढवण्यासाठीही ‘व्हिटॅमिन डी’ मदत करतं. ‘व्हिटॅमिन डी’ च्या कमतरतेमुळे सांधेदुखी, हाडांचा त्रास हाडं ठिसूळ बनणं, ऑस्टिओपोरोसिस, अंगदुखी, थकवा, इतकच काय तर नैराश्याचा देखील सामना करावा लागू शकतो. ‘व्हिटॅमिन डी’ च्या कमकतरेमुळे रोगप्रतिकारक शक्ती कमी होऊन विविध आजारांचा धोकाही वाढू शकतो. त्यामुळे हिवाळ्यात जर सूर्यप्रकाशातून ‘व्हिटॅमिन डी’ मिळत नसेल तर ते पर्यायी स्रोतातून मिळवणं अत्यावश्यत ठरतं.