‎छ. संभाजीनगरच्या कार्यपद्धतीला राज्यस्तरीय मान्यता, जिल्हाधिकारी स्वामींचा हा उपक्रम ठरला आदर्श‎

15 मे 2025 रोजी जिल्हाधिकाऱ्यांनी जिल्ह्यातील महसूल प्रशासनासाठी तयार केलेले परिपत्रक अत्यंत परिणामकारक ठरले. संचिका निपटारा जलद झाला, नागरिकांच्या तक्रारींवर तत्काळ प्रतिसाद मिळू लागला आणि प्रशासन अधिक लोकाभिमुख बनले. या यशस्वी अनुभवामुळे राज्य शासनाने ही कार्यपद्धती सर्व जिल्ह्यांत अमलात आणण्याचा निर्णय घेतला आहे.

‎‎या उपक्रमामुळे महसूल विभागातील कामकाज अधिक जलद आणि सुसंगत होणार असून, जिल्हाधिकाऱ्यांच्या पुढाकाराचे राज्यभर कौतुक होत आहे. अधिकारीवर्ग आणि लोकप्रतिनिधींनी जिल्हाधिकारी स्वामी यांचे अभिनंदन करत संभाजीनगर प्रशासनाने संपूर्ण राज्याला दिशा दाखवली अशी प्रतिक्रिया दिली आहे.

‎राज्य शासनाच्या नव्या आदेशानुसार, सहा महिन्यांच्या आत सर्व जिल्हाधिकारी या कार्यपद्धतीचा आढावा घेणार आहेत. तसेच प्रत्येक मंडळ कार्यालयाला आपले सरकार केंद्र मंजूर करण्याची प्रक्रिया राबवली जाईल.