सुप्रीम कोर्टात हजर व्हा नाहीतर 6,00,00,000 कोटी द्या! एका कॉलमुळे नाशिकच्या व्यक्तीचं आयुष्य उद्ध्वस्त

विशेष म्हणजे, या दोन्ही घटनांमध्ये फसवणूक करणाऱ्यांनी चक्क सुप्रीम कोर्टाच्या नावे आणि ऑनलाईन हजर होण्याची भीती दाखवली. घाबरलेल्या आणि गोंधळलेल्या नागरिकांनी जीव वाचवण्यासाठी आपले आयुष्यभर साठलेली जमापुंजी आरटीजीएसच्या माध्यमातून या ठगांच्या हवाली केले. सायबर गुन्हेगार आता लोकांना फसवण्यासाठी 'डिजिटल अरेस्ट' नावाचा एक नवा आणि धोकादायक मार्ग वापरत आहेत. नाशिकमध्ये अशाच प्रकारे दोन मोठ्या फसवणुकीच्या घटना उघडकीस आल्या आहेत. या दोन्ही घटनांमध्ये ज्येष्ठांना भीती दाखवून मोठा गंडा घालण्यात आला आहे. एका ज्येष्ठ नागरिकाला तब्बल ६ कोटी रुपये तर दुसऱ्याला ७२ लाख रुपयांना लुटल्याचे समोर आले आहे, ज्यामुळे नाशिक हादरले.