panvel news : मोबाईल जास्त वापरते म्हणून घरच्यांनी रागवलं, प्रियंका घर सोडून गेली आणि पुढे घडलं भयानक

पनवेल, 31 ऑगस्ट : हल्ली मोबाईलचं व्यसन लहान मुलांना इतकं जडलंय की जेवतानाही पोरं मोबाईल सोडत नाही. पनवेलमध्ये अशीच एक मन हेलावून टाकणारी घटना घडली आहे. मोबाईल वरून ओरडले म्हणून एक 20 वर्षीय तरुण घर सोडून गेली आणि समुद्रात उडी घेऊन या तरुणी आपली जीवन यात्रा संपवली. या घटनेमुळे परिसरात हळहळ व्यक्त केली जात आहे.

पोलिसांनी दिलेल्या माहितीनुसार, पनवेल तालुक्यातील कासारभाट गावात ही घटना घडली आहे. प्रियंका तांडेल (वय 20 वर्ष) असं मृत तरुणीचं नाव आहे. प्रियंकाला घरातल्यांनी मोबाईल जास्त वापरतो म्हणून ओरडले होते. त्यामुळे ती 23 ऑगस्टच्या भर दुपारी रागाच्या भरात ती घरातून निघून गेली होती. संध्याकाळपर्यंत मुलगी घरी परतली नसल्याने घरातल्यांनी पनवेल तालुका पोलीस स्टेशन गाठले आणि आपली मुलगी घरातून निघून गेल्याची तक्रार दाखल केली.