ऐकावं ते नवलंच! 80 वर्षांचं कासव खातंय फक्त चिकन, नागपुरातील Video पाहून बसणार नाही विश्वास

कासव हे पाण्यातील लहान मासे, शेवाळ वगैरे वनस्पतींवर जगत असते. परंतु, या कासवाला चिकन खाण्याची सवय लागली. याचंही एक कारण आहे. नागपूरमधील नाईक तलाव परिसरात मटन आणि चिकन विक्रेते खराब मांस आणून टाकतात. पाण्यात आणि पाण्याच्या कडेला पडलेलं हेच मांस खाण्याची सवय या कासवाला लागली. त्यामुळे त्याचे वजनही 80 किलोपर्यंत वाढल्याचे हाते यांनी सांगितलं.

नाईक तलावात साफसफाई करताना पाणी कमी झालं. त्यानंतर हे कासव पृष्ठभागावर आलं आणि वनविभागाने त्याची सुटका केली. उपचारासाठी ट्रान्झिट ट्रिटमेंट सेंटर येथे त्याला आणण्यात आलं. हे कासव भारतीय सॉफ्टशेल प्रजातीचे आहे. हे गोड्या पाण्यातील कासव असून त्याचं आयुष्य 150 वर्षांपर्यंत असतं. या प्रजातीचे कासव गंगा आणि गोदावरी नद्यांमध्ये आढळतात. ते शाकाहारी आणि मांसाहारी दोन्ही प्रकार खाऊ शकतं. पण तलावातील मांसामुळं ते मांसाहारी झालं. कासवाचं वजन आणि सॉफ्टशेलच्या आकारावरून वयाबाबत अंदाज लावला जातो. त्यानुसार ते 70 ते 80 वर्षे वयाचं असल्याचं पशुवैद्यकीय अधिकारी राजेश फुलसुंगे सांगतात.