Cyber Fraud: सायबर फ्रॉडचा नवा फंडा, वॉशिंग मशीन दुरुस्तीच्या नावाखाली लुटलं; सराफाचं दिवाळं निघालं

जळगाव :   गेल्या काही वर्षांत ऑनलाइन व्यवहाराचं प्रमाण वाढलं आहे. ऑनलाइन व्यवहाराचे जितके फायदे आहेत तितकेच तोटेदेखील आहेत. एकीकडे अशा व्यवहारांकडे कल वाढत असताना, दुसरीकडे सायबर गुन्हेगारीचं प्रमाणही वाढत आहे. ऑनलाइन फसवणुकीसाठी सायबर गुन्हेगार सातत्यानं नवनवीन पद्धती शोधत असतात. जळगावात ऐन दिवाळीत मोठी फसवणूक झाल्याचे प्रकरण समोर आले आहे. घरातील वॉशिंग मशिन दुरुस्तीसाठी सर्व्हिस सेंटरला कॉल केला, त्यानंतर एक एपीके फाईल मोबाईलवर आली अन् दोन दिवसात व्यक्तीच्या मोबाईलमधून जवळपास पाच लाख रुपये गायब झाले.