BMC Elections : मुंबईतून ठाकरेंना संपवण्यासाठी संघाची फिल्डींग, BMC साठी आखला खास प्लान

मुंबई महानगर पालिका निवडणूकही राजकीयदृष्ट्या अतिशय महत्त्वाची बनली आहे. विशेषतः ठाकरेंच्या शिवसेनेला टक्कर देण्यासाठी राष्ट्रीय स्वयंसेवक संघ (RSS) स्वतः मैदानात उतरल्याची महत्त्वपूर्ण माहिती समोर आली आहे. मुंबई महापालिकेच्या निवडणुकीत हिंदुत्वाचा मुद्दा अधोरेखीत करण्याचा प्रयत्न संघाकडून होणार असल्याची माहिती सूत्रांनी दिली आहे. मुंबईतील प्रत्येक वॉर्डमध्ये संघाकडून आपल्या स्वयंसेवकांच्या माध्यमातून बारीक लक्ष ठेवले जाणार आहे. विधानसभेप्रमाणेच मु्ंबई महापालिकेत हिंदुत्वाच्या मुद्यावर मतांची बेगमी करण्यासाठी संघाने नियोजन केले असल्याचे म्हटले जात आहे.