Tanaji Sawant : ''तुमचाही संतोष देशमुख केला जाईल,'' आमदाराच्या पुतण्यांना धमकी, धाराशिवमध्ये खळबळ

या धमकी प्रकरणी ढोकी पोलिस ठाण्यात धमकी देणाऱ्या अज्ञाताविरुद्ध सोमवारी गुन्हा दाखल करण्यात आला आहे. पोलिसांनी सांगितले की, रविवारी रात्री 10 वाजण्याच्या सुमारास भैरवनाथ शुगर्स संचालित तेरणा साखर कारखान्याचा ट्रॅक्टर ऊस घेऊन तेरकडून ढोकी येथे येत होता. हा ट्रॅक्टर मुळेवाडी पाटीवर आला असता, दुचाकीवर आलेल्या दोघांनी ट्रॅक्टर रोखला. यानंतर चालकाजवळ एक बंद पाकीट दिले. 'हे पाकीट तेरणा कारखान्याच्या गेटवर सुरक्षा रक्षकाकडे दे' असे म्हणत दोघेही सुसाट निघून गेले.