4 मित्रांनी एकत्र येत सुरू केला बिझनेस, दिवसाला कमावतात 15 हजार रुपये!

डोंबिवली : सध्या तरुणाई व्यवसाय करण्याकडे आकर्षित होत आहेत. नोकरी पेक्षा व्यवसाय बरा असा विचार सध्या तरुणाई करताना दिसत आहे. डोंबिवलीमध्ये सुध्दा एका गावातल्या चार तरुणांनी मिळून मुंबईमध्ये येऊन काहीतरी नवीन करूया या विचाराने डोंबिवलीतील घरडा सर्कल इथे स्वतःचे फूड ट्रक सुरू केले. क्रेविंग वोक असे या फूड ट्रकचे नाव असून इथे मिळणारे चायनीज डोंबिवलीकरांच्या पसंतीस उतरले आहे.

निनाद पांचाळ, निखिल चव्हाण, संदेश पवार आणि निशांत कांबळे अशी या तरुणांची नावे असून ही सगळी तरुण मंडळी कणकवलीची आहे. कणकवली वरून इथे येऊन गेले तीन वर्ष ते हा व्यवसाय करत आहेत. पूर्वी गावी त्यांच एक स्वतःचा हॉटेल होतं परंतु लॉकडाऊनमध्ये ते बंद पडलं आणि त्यानंतर हे सगळ्यांनी वेगवेगळ्या ठिकाणी जॉब केला परंतु जॉबमधून हवा तितका इनकम घेत नव्हता आणि म्हणूनच त्यांनी पुन्हा एकदा या व्यवसायाकडे वळण्याचा ठरवलं. आता या व्यवसायातून या चौघांची एका दिवसाची कमाई ही तब्बल 15 हजार रुपये होते. शनिवार आणि रविवारी ही कमाई अधिक होते.