आधी सगळ्यांपासून लपवलं, लग्नानंतर पूजा - सोहमची पहिली पोस्ट; म्हणाले, 'याला म्हणतात...'

अभिनेत्री पूजा बिरारी आणि अभिनेते आदेश बांदेकर यांचा मुलगा सोहम बांदेकर यांनी 2 डिसेंबर 2025 रोजी लग्न केलं. लोणावळ्यात मोठ्या धुमधडाक्यात दोघांचं लग्न झालं. पूजा आणि सोहम यांच्या लग्नाचे फोटो आणि व्हिडीओ सोशल मीडियावर व्हायरल होत आहे.

सोहम आणि पूजा हे रिलेशनमध्ये होते. लग्नाआधी दोघांनीही त्यांचं नातं पूर्णपणे सीक्रेट ठेवलं होतं. त्यांच्या रिलेशनबद्दल कोणाला साधी कुणकुणही लागली नव्हती. पण आता विवाहसोहळ्यानंतर पूजा आणि सोहम पहिल्यांदा एकत्र आले.

लग्नानंतर सोहम आणि पूजा यांची पहिली रिअँक्शन समोर आली आहे. दोघांनी सोशल मीडियावर खास पोस्ट लिहित त्यांच्या भावना व्यक्त केल्यात. रिलेशन ते लग्न असा त्यांचा प्रवास त्यांनी चाहत्यांबरोबर शेअर केला.

"हा आमच्या आयुष्याचा भाग आहे म्हणजे आमच्या फॉरेव्हर नात्याची सुरुवात", असं कॅप्शन देत सोहम बांदेकरने लग्नाचे फोटो शेअर केलेत. या कॅप्शनसह दोघांनी हार्ट इमोजी आणि नजरवाला इमोजी शेअरही शेअर केला. 02.12.2025 ही लग्नाची तारीख लिहित त्यापुढे हार्ट आणि इन्फिनिटी इमोजी शेअर केलेत.

लग्नात सोहम आणि पूजा खूप सुंदर दिसत होते. पूजाचा देखणा लूक, सोहमचा पारंपरिक वधूवर अवतार आणि त्यांच्या लग्नातील ग्रँड सेटअपने चाहत्यांचे लक्ष वेधून घेतलं. दोघांमधील केमिस्ट्री फोटोंमध्ये स्पष्ट दिसत असून चाहत्यांनी दोघांवर शुभेच्छांचा वर्षाव केला आहे.

पूजा बिरारी ही मराठी मनोरंजन जगतातील लोकप्रिय अभिनेत्री. ती सध्या 'येड लागलं प्रेमाचं' या मालिकेत काम करतेय. तर सोहम निर्मिती क्षेत्रात असून ठरलं तर मग, घरोघरी मातीच्या चुली सारख्या मालिकांचा निर्माता आहे.

लग्नानंतर यांची पहिली प्रतिक्रिया पाहून त्यांच्या चाहत्यांसाठी हा एक सुखद धक्का ठरला आहे. पूजा–सोहम यांचा लग्नसोहळा अत्यंत खास पाहुण्यांच्या उपस्थितीत पार पडला. अनेक कलाकार मंडळींनी सोहम आणि पूजाच्या लग्नाला हजेरी लावली होती. सोशल मीडियावर दोघांच्या लग्नाचे फोटो व्हायरल झाल्यानंतर चाहत्यांनीही शुभेच्छा आणि आशीर्वाद दिलेत.